കൊല്ലം: കോടതിയില് നടന്നതല്ല വാര്ത്തയെന്ന് ഉത്ര വധക്കേസിലെ ശിക്ഷാ വിധിക്ക് ശേഷം പ്രതി സൂരജിന്റെ പ്രതികരണം. കോടതിയില് നടന്ന ഒരു കാര്യവുമല്ല പത്രങ്ങളിലും മാധ്യമങ്ങളിലും വന്നുകൊണ്ടിരിക്കുന്നത്. ഉത്രയുടെ അച്ഛന് കോടതിയില് നല്കിയ മൊഴി മാത്രം വായിച്ചുനോക്കിയാല് മതി, എല്ലാ കാര്യങ്ങളും മനസിലാകുമെന്നും കോടതിയില് നിന്ന് പുറത്തിറങ്ങവേ പ്രതി മാധ്യമങ്ങളോട് പ്രതികരിച്ചു.
ഉത്രയെക്കുറിച്ചും എന്റെ കുഞ്ഞിനെക്കുറിച്ചും എല്ലാം പറയുന്നത് കഥകളാണ്. കോടതിയില് ഉത്രയുടെ അച്ഛന് നല്കിയ മൊഴി ഇനി ആര്ക്കും മാറ്റാനാവില്ലല്ലോയെന്നും സൂരജ് പറഞ്ഞു. താന് ബി.എ വരെ പഠിച്ചതാണെന്നും സൂരജ് വിളിച്ചുപറയുന്നുണ്ടായിരുന്നു. എന്നാല് പ്രതികരണം പൂര്ത്തീകരിക്കാന് സൂരജിനെ പോലീസ് ഉദ്യോഗസ്ഥര് അനുവദിച്ചില്ല.
കേസില് സൂരജ് കുറ്റക്കാരനാണെന്ന് കണ്ടെത്തിയ കോടതി 17 വര്ഷം തടവിന് ശേഷം ഇരട്ട ജീവപര്യന്തമാണ് വിധിച്ചിരിക്കുന്നത്. അഞ്ച് ലക്ഷം രൂപ പിഴയും വിധിച്ചിട്ടുണ്ട്.
