khan.jpg)
മുംബൈ: ആഡംബര കപ്പലിലെ ലഹരിപാര്ട്ടി കേസില് താരപുത്രന് ആര്യന് ഖാന്റെ ജാമ്യാപേക്ഷയില് ബോംബെ ഹൈക്കോടതിയില് വാദം തുടരുന്നു. ആര്യനു വേണ്ടി മുന് അറ്റോര്ണി ജനറല് മുകുള് റോത്ത്ഗി ഇന്നും കോടതിയില് ഹാജരായിട്ടുണ്ട്.
അതിനിടെ, തനിക്കെതിരെ ഉയര്ന്ന സാമ്പത്തിക കുറ്റാരോപണത്തില് സി.ബി.ഐ അന്വേഷണം വേണമെന്ന് എന്.സി.ബി മുംബൈ സോണല് ഓഫീസര് സമീര് വാങ്കെഡെ ആവശ്യപ്പെട്ടു. ബോംബെ ഹൈക്കോടതി മുമ്പാകെയാണ് സമീര് ഇത്തരമൊരു അപേക്ഷ നല്കിയിരിക്കുന്നത്. അറസ്റ്റ് തടയണമെന്നും അദ്ദേഹം ഹര്ജിയില് ആവശ്യപ്പെടുന്നു. സാമ്പത്തിക ആരോപണത്തില് മഹാരാഷ്ട്ര പോലീസ് കേസെടുത്തതിനു പിന്നാലെയാണ് ഈ നീക്കം. ജസ്റ്റീസ് എന്.എം ജംദാര് ആണ് ഹര്ജി പരിഗണിക്കുക. അവര് എന്നെ അറസ്റ്റു ചെയ്താല്, അവര് അത് ചെയ്യും, എന്റെ നിയമം എന്നെ രക്ഷിക്കും. താന് ലഹരിമരുന്ന് ഇടപാടുകാരനല്ല. തഞാനൊരു മേഖല ഓഫീസറാണ്. സമീര് പറഞ്ഞു.
സമീറിനെ ദിവസം മുന്പ് നോട്ടീസ് നല്കി മാത്രമേ അറസ്റ്റ് ചെയ്യുവെന്ന് സര്ക്കാര് വ്യക്തമാക്കി. ഇതേതുടര്ന്ന് സമീറിന്റെ സിംഗിള് ബെഞ്ച് കേസിന്റെ മെരിറ്റിലേക്ക് കടക്കാന് വിസമ്മതിച്ചു. ഹര്ജി വിശദമായി വാദം കേള്ക്കാന് ഡിവിഷന് ബെഞ്ചിലേക്ക് മാറ്റി.
അതിനിടെ, മന്ത്രി നവാബ് മാലിക്കിനെതിരെ സമീര് വാങ്കെഡെയുടെ സഹോദരി പോലീസിന് പരാതി നല്കി. സമീറിന്റെ ഭാര്യ രകാന്തി രേദ്കറും മുഖ്യമ്രന്തി ഉദ്ധവ് താക്കറെയ്ക്ക് പരാതി നല്കി. തങ്ങള് ദിനംപ്രതി അവഹേളിക്കപ്പെടുകയാണെന്നും മഹാരാജ് ഛത്രപതി ശിവാജിയുടെ നാട്ടില് സ്ത്രീയുടെ അന്തസ്സിനെ തട്ടിക്കളിക്കുകയാണ്. ബാലാസഹേബ് (ബാല് താക്കറെ) ഇന്നുണ്ടായിരുന്നുവെങ്കില്, അദ്ദേഹം ഒരിക്കലും ഇത് ഇഷ്ടപ്പെടില്ലായിരുന്നു. -അവര് കത്തില് പറയുന്നു. ബോളിവുഡിലെ ലഹരിമരുന്ന് ബന്ധങ്ങള് അന്വേഷിക്കുന്നതിനു മുന്പന്തിയില് നില്ക്കുന്ന ഉദ്യോഗസ്ഥനാണ് സമീര്. സുശാന്ത് സിംഗ് രജ്പുത്തിന്റെ മരണം മുതല് ആര്യന് ഖാന്റെ അറസ്റ്റു വരെ എത്തിനില്ക്കുന്നു ഈ അന്വേഷണം
ആര്യന്റെ ജാമ്യത്തിനായി അമ്മ ഗൗരി ഖാന് നിരാഹാര വ്രതത്തിലാണെന്ന് റിപ്പോര്ട്ടുണ്ട്്. ഭക്ഷണം ഉപേക്ഷിച്ച് അവര് മുഴുവന് സമയവും പ്രാര്ത്ഥനയും കരച്ചിലുമായി കഴിയുകയാണെന്ന് റിപ്പോര്ട്ടില് പറയുന്നു.
