സണ്ണി വെയിന്, അലന്സിയര് എന്നിവര് പ്രധാന കഥാപാത്രങ്ങളായി എത്തുന്ന ചിത്രമായ ‘അപ്പന്റെ’ ട്രെയിലര് ഡിസംബര് 17നാണ് റിലീസ് ചെയ്തത്. ഇപ്പോള് യൂട്യൂബില് ഒരു മില്യണ് കാഴ്ചക്കാരുമായി മുന്നേറുകയാണ് ഇത്. ‘അപ്പന്’ ഡാര്ക്ക് കോമഡി ഗണത്തില്പ്പെടുന്ന ചിത്രമാണ്. ഇതില് ടാപ്പിങ്ങ് തൊഴിലാളിയായി സണ്ണിയും, താരത്തിന്റെ അച്ഛനായി അലന്സിയറുമാണ് വേഷമിടുന്നത്.
അനന്യ, ഗ്രേസ് ആന്റണി, പോളി വത്സന്, രാധിക രാധാകൃഷ്ണന്, അനില് കെ ശിവറാം, വിജിലേഷ്, ഉണ്ണി രാജ, അഷ്റഫ്, ദ്രുപദ് കൃഷ്ണ എന്നിവരും ചിത്രത്തില് പ്രധാന വേഷങ്ങള് ചെയ്യുന്നു. ഒരു കുടുംബ പശ്ചാത്തലത്തിലുള്ള കഥയാണ് ചിത്രം പറയുന്നത്. ജോസ്കുട്ടി മഠത്തില്, രഞ്ജിത്ത് മണബ്രക്കാട്ട് എന്നിവര് ചേര്ന്ന് ടൈനി ഹാന്ഡ്സ് പ്രൊഡക്ഷന്സിന്റെ ബാനറില് സണ്ണി വെയിന് പ്രൊഡക്ഷന്സുമായി ചേര്ന്ന് നിര്മ്മിക്കുന്ന ചിത്രമാണ് ‘അപ്പന്’. തൊടുപുഴയായിരുന്നു ചിത്രത്തിന്റെ പ്രധാന ലൊക്കേഷന്. അപ്പന്റെ കഥയും സംവിധാനവും മജുവാണ് നിര്വഹിക്കുന്നത്. .
