തിരുവനന്തപുരം: പുതുവത്സര ആഘോഷങ്ങളുടെ ഭാഗമായി സംഘടിപ്പിക്കുന്ന ഡി.ജെ. പാര്ട്ടികള്ക്ക് കര്ശന നിയന്ത്രണമേര്പ്പെടുത്തി പോലീസ്.
വന്തോതിലുള്ള ലഹരി ഉപയോഗത്തിന് സാധ്യതയുണ്ടെന്ന ഇന്റലിജന്സ് മുന്നറിയിപ്പിനെ തുടര്ന്നാണ് ഡി.ജെ. പാര്ട്ടികള്ക്ക് നിയന്ത്രണമേര്പ്പെടുത്തുന്നത്.
ഇതുസംബന്ധിച്ച് സംസ്ഥാന പോലീസ് മേധാവി കര്ശന നിര്ദേശം നല്കി.
രാത്രി പത്ത് മണിക്ക് ശേഷം ഡി.ജെ. പാര്ട്ടികള് പാടില്ലെന്നാണ് പോലീസിന്റെ നിര്ദേശം.
പുതുവത്സരാഘോഷങ്ങളുടെ ഭാഗമായി പലയിടങ്ങളിലും ഡി.ജെ. പാര്ട്ടികള് സംഘടിപ്പിക്കാറുണ്ട്. എന്നാല് ഈ പാര്ട്ടികളിലൊന്നും ലഹരിമരുന്ന് ഉപയോഗം ഉണ്ടാകാതിരിക്കാനാണ് പോലീസിന്റെ ശ്രമം.
