ഓരോ ബോളിവുഡ് അഭിനേതാക്കള്ക്കും അവരുടെ അരങ്ങേറ്റ ചിത്രം വളരെ സവിശേഷവും പ്രാധാന്യമുള്ളതുമാണ്, കാരണം അത് വ്യവസായത്തിലെ അവരുടെ കരിയറിന്റെ തുടക്കമാണ്. ടൈഗർ ഷ്രോഫും കൃതി സനോണും അവരുടെ ആദ്യ സിനിമ ‘ഹീറോപന്തി’ അഞ്ചു വര്ഷം തികയ്ക്കുന്നതിന്റെ സന്തോഷം പങ്കിട്ടത് സോഷ്യല് മീഡിയയിലൂടെയാണ്. കൃത്യം 5 വർഷം മുമ്പാണ് ഈ ചിത്രത്തിലൂടെ ഇരുവരും ബോളിവുഡിൽ ചുവടുവെച്ചത്. ‘‘ഞങ്ങൾ ആരംഭിച്ചത് പുനഃസൃഷ്ടിക്കാൻ ഞങ്ങൾ ശ്രമിച്ചു.. നിങ്ങള് അടുത്ത ചിത്രം നോക്കിയാല് ഊഷ്മളതയും വാത്സല്യവും സജീവമാകുന്നത് നിങ്ങൾ കാണും! ഞങ്ങൾ ഒരുമിച്ചുള്ള യാത്ര തുടങ്ങിയിട്ട് ഏകദേശം 8 വർഷമായി!
ഞങ്ങൾ രണ്ടുപേരും വളർന്നു, പരിണമിച്ചു, ഒരുപാട് മുന്നോട്ട് പോയി.. എന്നാൽ ഉള്ളിൽ, ഞങ്ങൾ ഇപ്പോഴും സമാനമാണെന്ന് ഞാൻ ഊഹിക്കുന്നു! (ഞങ്ങൾ ആയിരുന്ന പുതുമുഖങ്ങളുടെ കൂടുതൽ പക്വതയുള്ള പതിപ്പുകളായി നടിക്കുന്നു) ടിജിയ്ക്കൊപ്പം ഒരു സെറ്റിൽ തിരിച്ചെത്തിയത് വളരെ മികച്ച അനുഭവമായിരുന്നു! @tigerjackieshroff അടുത്ത ഷെഡ്യൂളിനായി ഉടൻ കാണാം’’ എന്നാണ് കൃതി ഇന്സ്റ്റയില് കുറിച്ചത്. ഒപ്പം കൃതിയുടെയും ടൈഗറിന്റേയും ഹീറോപന്തി പോസ്റ്ററും മറുവശത്ത്, ഇരുവരും വീണ്ടുമത് സൃഷ്ടിക്കാൻ ശ്രമിക്കുന്നതുമായ പിക്ച്ചര് കൊളാഷ് കാണാം.
ടൈഗർ ഷ്രോഫും കൃതി സനോണും ഗണപത് എന്ന ചിത്രത്തിലൂടെയാണ് പിന്നെയും ഒരുമിക്കുന്നത്. ചിത്രത്തിന്റെ ആദ്യഘട്ട ചിത്രീകരണം പൂർത്തിയാക്കിയിരിക്കുകയാണ് താരങ്ങൾ. അതിനായി അവർ നിലവിൽ യുകെയിലായിരുന്നു.
ഹീറോപന്തി 2 ഒഫീഷ്യൽ പോസ്റ്ററും പുറത്തിറങ്ങി, ഇത്തവണ ടൈഗർ താര സുതാരിയയ്ക്കൊപ്പമാണ് എത്തുന്നത്. ചിത്രം അടുത്ത വർഷം ഈദ് റിലീസായി റിലീസ് ചെയ്യും.
