ബോളിവുഡ്താരം അജയ് ദേവ്ഗണ് ശബരിമല ദര്ശനം നടത്തി. ബുധനാഴ്ച രാവിലെ ഒമ്പതുമണിയോടെ കൊച്ചിയില് നിന്നും ഹെലികോപ്ടര് മാര്ഗ്ഗം നിലയ്ക്കലെത്തിയ അദ്ദേഹം രാവിലെ പതിനൊന്നരയോടെയാണ് പതിനെട്ടാം പടി ചവിട്ടിയത്.
തുടര്ന്ന് തന്ത്രി, മേല്ശാന്തി എന്നിവരെ കണ്ട് അനുഗ്രഹവും വാങ്ങി. മാളികപ്പുറം നടയിലടക്കം ദര്ശനം നടത്തി വഴിപാടുകളും പൂര്ത്തിയാക്കിയ ശേഷം ഉച്ച കഴിഞ്ഞ് അദ്ദേഹം മലയിറങ്ങും. ഇത് നാലാം തവണയാണ് അജയ് ദേവഗണ് സന്നിധാനത്ത് എത്തുന്നത്.
രാജമൗലി സംവിധാനം ചെയ്ത രുധിരം രണം രൗദ്രം, സഞ്ജയ്മ ലീല ഭന്സാലിയുടെ ഗംഗുഭായ് കഠിയാവാഡി എന്നിവയാണ് അദ്ദേഹത്തിന്റെതായി റിലീനൊരുങ്ങുന്ന ചിത്രങ്ങള്. കോവിഡ് വ്യാപനത്തിന്റെ പശ്ചാത്തലത്തില് രണ്ട് ചിത്രങ്ങളുടേയും റിലീസ് മാറ്റിവെയ്ക്കുകയായിരുന്നു. അമിതാഭ് ബച്ചന് പ്രധാനവേഷത്തിലെത്തുന്ന റണ്വേ 34-ന്റെ സംവിധായകനും അജയ് ദേവ്ഗണ് ആണ്.
