മമ്മൂട്ടി, മോഹന്ലാല് ഉള്പ്പെടെയുളള സൂപ്പര് താരങ്ങളെ നായകന്മാരാക്കി സിനിമകള് എടുത്ത സംവിധായകനാണ് വിഎം വിനു. മലയാളത്തിലെ ഒട്ടുമിക്ക പ്രശസ്ത സംവിധായകരുടെ കൂടെ പ്രവര്ത്തിച്ച ശേഷമാണ് വിനു സ്വതന്ത്ര സംവിധായകനായത്. മമ്മൂട്ടിയെ നായകനാക്കി വിഎം വിനു സംവിധാനം ചെയ്ത ചിത്രമായിരുന്നു ബസ് കണ്ടക്ടര്. ചിത്രം വലിയ വിജയം കൈവരിച്ചില്ലെങ്കിലും അത്യാവിശ്യം പ്രേക്ഷകരെ നേടാന് സാധിച്ചിരുന്നു.
പ്രിയകരമായ ഒരുപാട് ഓര്മ്മകള് തനിക്ക് സമ്മാനിച്ച ചിത്രമായിരുന്നു ബസ് കണ്ടക്ടര് എന്ന് വിനു പറയുന്നു. പ്രമുഖ മാധ്യമത്തിന് നല്കിയ അഭിമുഖത്തിലാണ് ചിത്രത്തെ കുറിച്ച് വി.എം വിനു തുറന്നു പറഞ്ഞത്. '' അതില് ഏറ്റവും ഓര്ക്കപ്പെടുന്നത് നടന് സുരാജ് വെഞ്ഞാറമൂടിനെ കുറിച്ചുള്ളതാണ്. മമ്മൂട്ടി റെക്കമെന്ഡ് ചെയ്തിട്ടാണ് സുരാജിനെ താന് സിനിമയില് ഉള്പ്പെടുത്തിയത്. അന്ന് സുരാജ് ജൂനിയര് ആര്ട്ടിസ്റ്റാണ്. എന്നാല് അദ്ദേഹത്തിന്റെ അഭിനയത്തില് നിന്നും പില്ക്കാലത്ത് വലിയൊരു നടനാകാന് സാദ്ധ്യതയുള്ള ആളാണ് സുരാജെന്ന് മനസിലായിരുന്നു '' - വിനു പറയുന്നു.
