ലക്നൗ: ഉത്തര്പ്രദേശ് തിരഞ്ഞെടുപ്പിലെ ആദ്യഘട്ട സ്ഥാനാര്ത്ഥി പട്ടിക ബി.ജെ.പിയും ബി.എസ്.പിയും പ്രഖ്യാപിച്ചു. ഒന്നും രണ്ടും രണ്ടും ഘട്ട തിരഞ്ഞെുടപ്പില് മത്സരിക്കുന്ന സ്ഥാനാര്ത്ഥികളുടെ പ്രാഥമിക പട്ടികയാണ് ബി.ജെ.പി പ്രഖ്യാപിച്ചത്. മുഖ്യമരന്തി യോഗി ആദിത്യനാഥ് ഗൊരഖ്പൂര് മണ്ഡലത്തില് നിന്ന് മത്സരിക്കും. ഉപമുഖ്യമന്ത്രി കേശവ് പ്രസാദ് മൗര്യ പ്രയാഗ്രാജിലെ സിരത്തില് നിന്ന് മത്സരിക്കും.
ഒന്നാം ഘട്ട തിരഞ്ഞെടുപ്പ് കടക്കുന്ന 58 സീറ്റുകളില് 57 ഇടത്തും രണ്ടാംഘട്ടത്തില് തിരഞ്ഞെടുപ്പ് നടക്കുന്ന 55ല് 48 ഇടത്തുമാണ് സ്ഥാനാര്ത്ഥികളെ പ്രഖ്യാപിച്ചതെന്ന് കേന്ദ്രമന്ത്രി ധര്മ്മേന്ദ്ര പ്രധാന് അറിയിച്ചു.
107 സ്ഥാനാര്ത്ഥികളില് 63 പേര് സിറ്റിംഗ് എം.എല്.എമാരാണ്. 20 പേര്ക്ക് സിറ്റിംഗ് എം.എല്.എമാര്ക്ക് സീറ്റ് നല്കിയിട്ടില്ല. 21 പുതുമുഖങ്ങളുണ്ട്. സ്വപ്ന കശ്യപ് ആണ് ചാര്ഥ്വാളില് നിന്ന് മത്സരിക്കുക. കൈരാന സീറ്റില് മൃഗങ്ക സിംഗ് മത്സരിക്കും.
പട്ടികയില് 60 ശതമാനത്തില് ഏറെ പേര് ഒബിസി, എസ്.സി വിഭാഗത്തില് നിന്നുള്ളവരാണ്. ആദ്യപട്ടകയില് 10 പേര് വനിതകളാണ്.
1998 മുതല് ഗൊരഖ്പുരില് നിന്നുള്ള പാര്ലേെന്റ് അംഗമായിരുന്നു യോഗി. അയോധ്യയില് നിന്ന് അദ്ദേഹം മത്സരിക്കുമെന്ന് നേരത്തെ സൂചനയുണ്ടായിരുന്നു. എന്നാല് അതേകുറിച്ച് പാര്ട്ടി പ്രതികരിച്ചിട്ടില്ല. ഗൊരഖ്പുരിലെ ജനങ്ങള് യോഗിയെ പാഠം പഠിപ്പക്കുമെന്ന് സമാജ്വാദി പാര്ട്ടി നേതാവ് അഖിലേഷ് യാദവ് പറഞ്ഞു.
ബഹുജന് സമാജ്വാദി പാര്ട്ടിയില് 53 പേരുടെ ആദ്യ പട്ടികയാണ് പുറത്തുവിട്ടിരിക്കുന്നത്. അഞ്ച് പേരുടെ പേര് വൈകിട്ടോടെ പ്രസിദ്ധീകരിക്കുമെന്ന് പാര്ട്ടി അധ്യക്ഷ മായാവതി പറഞ്ഞു.
403 അംഗ നിയമസഭയിലേക്ക് ഫെബ്രുവരി 10, 14, 20, 23,27, മാര്ച്ച് 3, 7 എന്നിങ്ങനെ ഏഴ് ഘട്ടങ്ങളിലാണ് തിരഞ്ഞെടുപ്പ്. മാര്ച്ച് 10ന് വോട്ടെണ്ണല്.
2017ലെ തിരഞ്ഞെടുപ്പില് ബി.ജെ.പി 312 സീറ്റുകള് നേടിയിരുന്നു. സമാജ്വാദി പാര്ട്ടി 47 ഇടത്തും ബി.എസ്.പി 19 സീറ്റിലും കോണ്ഗ്രസ് ഏഴ് സീറ്റിലുമായി ചുരുങ്ങിയിരുന്നു.
കോണ്ഗ്രസ് പട്ടിക കഴിഞ്ഞ ദിവസം പ്രഖ്യാപിച്ചിരുന്നു.
