കോട്ടയം: പുനസംഘടനാ ചര്ച്ചള് പുരോഗമിക്കുന്നതിനിടെ പുതുപ്പള്ളിയില് കോണ്ഗ്രസ് എ ഗ്രൂപ്പിന്റെ രഹസ്യയോഗം. ഉമ്മന് ചാണ്ടി, മുന് ഡി.സി.സി. പ്രസിഡന്റ് ജോഷി ഫിലിപ്പ് എന്നിവരുടെ നേതൃത്വത്തിലാണ് യോഗം ചേര്ന്നത്. ഇന്നലെ രാവിലെ 11 ന് പുതുപ്പള്ളി അധ്യാപക സഹകരണ ബാങ്ക് ഓഡിറ്റോറിയത്തിലായിരുന്ന യോഗം.
പാര്ട്ടി സംഘടനാ തെരഞ്ഞെടുപ്പും ഡി.സി.സി. പുനസംഘടനയും ലക്ഷ്യംവെച്ചാണ് രഹസ്യ യോഗം ചേര്ന്നതെന്നാണ് സൂചന. എന്നാല്, പുതുപ്പള്ളി മണ്ഡലത്തിലെ വികസന പ്രവര്ത്തനങ്ങളുമായി ബന്ധപ്പെട്ടു വിളിച്ചു ചേര്ത്തതായിരുന്നു യോഗമെന്നായിരുന്നു നേതാക്കളുടെ വിശദീകരണം. എം.എല്.എ. ഫണ്ട് വിതരണത്തിന്റെ റിവ്യൂ മീറ്റിങ്ങ് ആയിരുന്നു എന്ന് ഉമ്മന്ചാണ്ടി ഉള്പ്പെടെയുള്ളവര് അവകാശപ്പെട്ടു. യോഗത്തിന്റെ ദൃശ്യങ്ങല് പകര്ത്താന് എത്തിയ മാധ്യമ പ്രവര്ത്തകരെ നേതാക്കള് തടഞ്ഞതു വിവാദമായിരുന്നു.
പുതിയ നേതൃത്വം വന്നതിന് ശേഷം ഉമ്മന് ചാണ്ടിയുടെ തട്ടകമായ ജില്ലയില് എ ഗ്രൂപ്പിനു കാര്യമായ പരിഗണന ലഭിക്കുന്നില്ലെന്നതില് പ്രവര്ത്തകര്ക്ക് അമര്ഷമുണ്ട്. ഇതിന്റെ ഭാഗമായി താഴേത്തട്ടു മുതല് ഗ്രൂപ്പ് ശക്തമാകുന്ന ഭാഗമായാണ് യോഗം നടത്തിയതെന്നാണു സൂചന. വരാന് പോകുന്ന ഡി.സി.സി. പുനസംഘടനയിലും പ്രതീക്ഷിച്ച ഭാരവാഹിത്വം ലഭിക്കില്ലെന്നതിന്റെ സൂചനയും യോഗത്തിലേക്കു നയിച്ചതായി ഒരു വിഭാഗം നേതാക്കള് പറയുന്നു. ഗ്രൂപ്പ് യോഗം പാടില്ലെന്ന നേതൃത്വത്തിന്റെ കര്ശന നിര്ദേശം നിലനില്ക്കെയോണു പുതുപ്പള്ളിയിലെ യോഗമെന്ന് ഔദ്യോഗിക വിഭാഗം നേതാക്കള് ആരോപിക്കുന്നു. ഏതാനും ഐ ഗ്രൂപ്പ് പ്രവര്ത്തകരും യോഗത്തില് പങ്കെടുത്തിരുന്നു.
