നെഞ്ചോളം അഴുക്കില് ഇറങ്ങി നിന്ന് ഓട വൃത്തിയാക്കുന്ന കൌണ്സിലറുടെ വീഡിയോ സമൂഹമാധ്യമങ്ങളില് വൈറലാണ്.
നിറഞ്ഞ് കവിഞ്ഞ അഴുക്കുചാല് വൃത്തിയാക്കാനായി ഓടയിലേക്ക് ചാടി എഎപി കൌണ്സിലര്. പാലില് കുളിപ്പിച്ച് അനുയായികള്...
പടിഞ്ഞാറന് ദില്ലിയില് ചൊവ്വാഴ്ചയാണ് നാടകീയ സംഭവങ്ങള് അരങ്ങേറിയത്. മുന്സിപ്പല് തെരഞ്ഞെടുപ്പ് അടുത്തിരിക്കെയാണ് അപ്രതീക്ഷിത നടപടിയുമായി എഎപി കൌണ്സിലര് ഹസീബ് ഉള് ഹുസൈനെത്തിയത്. പടിഞ്ഞാറന് ദില്ലിയില് നിന്നുള്ള കൌണ്സിലറായ ഇയാള് ശാസ്ത്രി പാര്ക്കിന് സമീപത്തെ അഴുക്ക് ചാലിലേക്ക് ചാടിയത്.
ആവശ്യമായ സഹായങ്ങള് നല്കി അനുയായികളും എഎപി കൌണ്സിലര്ക്കൊപ്പമുണ്ടായിരുന്നു. തൂമ്പയും മറ്റ് ഉപകരണങ്ങളും ഉപയോഗിച്ചാണ് ഹസീബ് ഉള് ഹുസൈന് ഓടയിലെ അഴുക്ക് കോരി മാറ്റിയത്. ഇതിന് ശേഷമാണ് ശരിക്കുള്ള നാടകം നടന്നത്. ഓടയില് നിന്ന് കയറിയ കൌണ്സിലറെ സിനിമാ രംഗത്തിന് സമാനമായ വരവേല്പാണ് അനുയായികള് നല്കിയത്. പാലില് കുളിപ്പിച്ചാണ് അനുയായികള് കൌണ്സിലറെ സ്വീകരിച്ചത്.
ബിജെപി എംഎല്എ അനില് കുമാര് ബാജ്പേയുടെ മണ്ഡലമാണ് ഈ മേഖല.
നിരവധി തവണ പരാതിപ്പെട്ടിട്ടും പരിഹാരം കാണാതെ വന്നതോടെയാണ് ഇത്തരമൊരു നടപടിക്ക് തുനിഞ്ഞതെന്നാണ് ഹസീബ് ഉള് ഹുസൈന് പറയുന്നത്. ബിജെപി കൌണ്സിലറോടും എംഎല്എയും ഉള്പ്പെടെയുഅളളവര് പരിഹാരം കാണാന് സഹായിച്ചില്ല. അതാണ് സ്വയം തുനിഞ്ഞിറങ്ങിയതെന്നും ഹസീബ് ഉള് ഹുസൈന് പറയുന്നു.
