താഴ്വാര പക്ഷികൾ എന്ന സീരിയലിലൂടെ അഭിനയരംഗത്തേക്ക് കടന്നുവന്ന് കുടുംബപ്രേക്ഷകരുടെ സ്വന്തം വീട്ടിലെ കുട്ടിയായി മാറിയ താരമാണ് അമ്പിളിദേവി. എന്നും കുട്ടിത്തം നിറയുന്ന പെരുമാറ്റവും രൂപഭാവങ്ങളുമായിരുന്നു അമ്പിളിദേവിയുടേത്. അടുത്തിടെ ആദിത്യന് ജയനുമായുള്ള അമ്പിളിയുടെ രണ്ടാമത്തെ വിവാഹവും അതേ തുടർന്ന് നടന്ന കോലാഹലങ്ങളും വിവാഹമോചന പ്രശ്നങ്ങളുമൊക്കെയായി അമ്പിളി ദേവി വാര്ത്തകളില് നിറഞ്ഞു നിന്നു. ഇപ്പോള് വിവാദങ്ങളില് നിന്നെല്ലാം മോചനം നേടി സ്വസ്ഥമായി ജീവിക്കുകയാണ് അമ്പിളി ദേവി. തന്റെ രണ്ട് ആണ്മക്കള്ക്ക് വേണ്ടിയുള്ളതാണ് ഇനിയുള്ള ജീവിതമെന്ന് താരം പിന്നീട് പലപ്പോഴും പറഞ്ഞു.
ഇപ്പോഴിതാ പെണ്വേഷം കെട്ടിയ തന്റെ ആണ്മക്കള് കൊറ്റന്കുളങ്ങര ദേവിക്ക് മുന്നില് ചമയവിളക്കേന്തി നില്ക്കുന്നതിന്റെ ചിത്രങ്ങള് താരം സോഷ്യല് മീഡിയയില് പങ്കുവെച്ചിരിക്കുകയാണ്. ഈ ചിത്രങ്ങളും വീഡിയോയുമാണ് ഇപ്പോള് വൈറലായിരിക്കുന്നത്. ആഭരണങ്ങളും അടക്കമുള്ള ചമയങ്ങളെല്ലാം അണിഞ്ഞ് സുന്ദരിയായി നില്ക്കുന്ന കുട്ടികളുടെ ചിത്രങ്ങള് ആരാധകരും ഏറ്റെടുത്തു. തന്റെ രണ്ട് ആണ്മക്കളെയും നേര്ച്ചയുടെ ഭാ ഗമായിട്ടാണ് താരം പെണ്വേഷം കെട്ടിച്ച് വിളക്കെടുക്കാന് എത്തിച്ചത്. ‘കൊറ്റന്കുളങ്ങര ദേവിയുടെ മുന്നില് മക്കളുടെ ചമയവിളക്ക്’ എന്ന തലക്കെട്ടോടെയാണ് അമ്പിളി ദേവി ചിത്രങ്ങള് സമൂഹമാധ്യമങ്ങളില് പങ്കുവെച്ചത്.
നിരവധി പേര് ഇതിന് കമന്റുമായി രംഗത്തെത്തിയിട്ടുണ്ട്. ‘ആണ്കുട്ടികള് പെണ്വേഷം കെട്ടിയതാണെന്ന് തോന്നുന്നില്ല, സുന്ദരന്മാര് സുന്ദരികളായി, മൂത്തയാള് കുട്ടി അമ്പിളി തന്നെ’ എന്നതടക്കമുള്ള കമന്റുകള് പോസ്റ്റിനു താഴെയുണ്ട്.
ആചാരവിശുദ്ധിയോടെ കൊറ്റന്കുളങ്ങര ദേവീക്ഷേത്രത്തിലെ ചമയവിളക്കുത്സവം കഴിഞ്ഞ ദിവസമാണ് നടന്നത്. ദേവി പ്രീതിക്കായി ചമയവിളക്കെടുക്കുന്ന പുരുഷാംഗനമാര് നിരവധി പേരാണ് എല്ലാ വര്ഷവും ക്ഷേത്രത്തില് എത്തിച്ചേരാറുള്ളത്. മാത്രമല്ല ഉദ്ദിഷ്ടകാര്യത്തിനായി പുരുഷന്മാര് വ്രതം നോറ്റാണ് പെണ് വേഷം കെട്ടി കൊറ്റന്കുളങ്ങര ക്ഷേത്രത്തിലെ ചമയ വിളക്ക് എടുക്കുന്നത്. ചമഞ്ഞ് വിളക്കെടുത്താല് മനസിലുള്ള ആഗ്രഹങ്ങള് സാധിക്കുമെന്നാണ് ഇവിടുത്തെ ഒരു വിശ്വാസം.
