എറണാകുളം: നടിയെ ആക്രമിച്ച കേസിലെ ഒന്നാം പ്രതിയായ സുനില് കുമാര് എന്ന പള്സര് സുനി എട്ടാം പ്രതിയായ നടന് ദിലീപിന് എഴുതിയ കത്ത് കണ്ടെത്തി. പള്സറിന്റെ സഹതടവുകാരന് കുന്ദംകുളം സ്വദേശി സജിത്തിന്റെ വീട്ടില് നിന്നാണ് കത്ത് കിട്ടിയത്.
2018 മെയ് 7 നായിരുന്നു സുനി ജയിലില് നിന്ന് പള്സര് സുനി കത്ത് എഴുതിയതെന്നാണ് വിവരം.
തനിക്കെന്തെങ്കിലും സംഭവിച്ചാല് പുറത്തു വിടണമെന്ന് ആവശ്യപ്പെട്ട് പള്സര് സുനി കത്ത് തന്റെ അമ്മയ്ക്ക് സൂക്ഷിക്കാന് ഏല്പ്പിച്ച കത്തായിരുന്നു പുറത്തുവന്നത്.
കത്തിന്റെ ഒറിജിനല് കണ്ടെത്തിയതോടെ ആധികാരികത ഉറപ്പാക്കാന് പള്സര് സുനിയുടെ കൈയ്യക്ഷരത്തിന്റെ സാമ്പിള് ശേഖരിച്ചു.
വ്യാഴാഴ്ച ജയിലില് എത്തിയാണ് അന്വേഷണ സംഘം സാമ്പിള് ശേഖരിച്ചത്. ഈ സാംപിള് ഉടന് ഫോറന്സിക് പരിശോധനയ്ക്ക് അയക്കും. നടിയെ ആക്രമിച്ചതിന്റെ ഗൂഢാലോചനയിലെ നിര്ണായക തെളിവാണ് കത്ത്.
നടിയെ ആക്രമിച്ചതിന് പിന്നില് ദിലീപാണെന്ന് വ്യക്തമാക്കുന്നുണ്ട്. കേസില് തന്നെ കുടുക്കിയാല് തനിക്കറിയാവുന്ന കാര്യങ്ങളെല്ലാം പുറത്തറിയിക്കുമെന്നും കത്തില് പറയുന്നുണ്ട്.
