ചുരുങ്ങിയ കാലം മലയാള സിനിമാപ്രേക്ഷകരുടെ മനസ്സിലിടം നേടിയ നടിയാണ് നിക്കി ഗില്റാണി. നിക്കിയുടെ സഹോദരി സഞ്ജന ഗില്റാണിയെന്ന നടിയും പ്രേക്ഷകര്ക്ക് സുപരിചിതമാണ്. 2006-ല് പുറത്തിറങ്ങിയ ‘ഒരു കാതല് സെയ്വീര്’ എന്ന തമിഴ് ചലച്ചിത്രത്തിലൂടെയാണ് സഞ്ജനയുടെ അരങ്ങേറ്റം. പിന്നീട് കുറച്ചു സിനിമകളിലും താരം അഭിനയിച്ചിരുന്നു. എങ്കിലും മോഡലിംഗ് രംഗത്താണ് സഞ്ജന കൂടുതല് സജീവം. അടുത്തിടെ താന് ഗര്ഭിണിയാണെന്ന് സോഷ്യല് മീഡിയയിലൂടെ സഞ്ജന ആരാധകരെ അറിയിച്ചിരുന്നു. ഇപ്പോഴിതാ പ്രസവത്തിന് മുന്നോടിയായി തല മൊട്ടയടിച്ചിരിക്കുകയാണ് സഞ്ജന. ആ തീരുമാനത്തിന് പിന്നിലെ കാരണവും താരം പങ്കുവച്ചിട്ടുണ്ട്.
‘‘കാണുന്നവന്റെ കണ്ണിലാണ് സൗന്ദര്യം... അതാണ് ഞാൻ എന്റെ മുടി മുഴുവൻ ബലിയർപ്പിച്ചത്... ദൈവത്തിൽ ഞാൻ നിർബന്ധിച്ച ഒരു മനാത്ത് നിറയ്ക്കാൻ വേണ്ടി...ഒരുപാട് കഷ്ടപ്പാടുകളിലൂടെ കടന്നുപോയ ശേഷം ... ജീവിതം വീണ്ടും മനോഹരമാണ്, എന്റെ ജീവിതത്തിന്റെ ഈ ഘട്ടത്തിൽ എനിക്ക് ദൈവത്തോട് എത്ര നന്ദി പറഞ്ഞാലും മതിയാകില്ല ..ഇത് എന്റെ സോഷ്യൽ മീഡിയ വർക്കിന്റെ ബ്രാൻഡ് അംഗീകാരമായിരിക്കട്ടെ അല്ലെങ്കിൽ എന്റെ കുഞ്ഞ് എന്റെ ജീവിതത്തിലേക്ക് ഉടൻ വരട്ടെ, എന്തുതന്നെയായാലും എന്റെ നന്ദിയും കടപ്പാടും ദൈവത്തോട് പ്രകടിപ്പിക്കാൻ ഞാൻ ആഗ്രഹിച്ചത് ഇങ്ങനെയാണ് ... ജയ് ശ്രീ കൃഷ്ണ ,’ ഇങ്ങനെയാണ് സഞ്ജന കുറിച്ചത്. ഒപ്പം തലമൊട്ടയടിച്ചതിന്റെ ചിത്രവും ഷെയര് ചെയ്തിട്ടുണ്ട്.
തലമൊട്ടയടിച്ചതിനു ശേഷവും മുന്പും എന്നിങ്ങനെ കാണിച്ച് ഒരു ഇന്സ്റ്റ റീല്സ് വീഡിയോയും സഞ്ജന ഷെയര് ചെയ്തിട്ടുണ്ട്.
