അജയ് ദേവ്ഗണും കാജോളും ബോളിവുഡിലെ ക്യൂട്ട് കപ്പിള്സാണ്. ഹൽചുലിന്റെ സെറ്റിൽ വെച്ചാണ് കജോളും അജയും കണ്ടുമുട്ടിയത്, പിന്നീട് 1999-ൽ വിവാഹിതരായി. രണ്ടുപേരുടെയും പ്രണയവും വിവാഹവുമെല്ലാം ആരാധകര് ആഘോഷിച്ചതുമാണ്. വിവാഹശേഷവും രണ്ടുപേരും കരിയറില് സജീവമായി തന്നെ തുടരുന്നുമുണ്ട്. ഇവരെപ്പോലെ തന്നെ ഇവരുടെ മക്കളായ നൈസയും യുഗും ആരാധകര്ക്ക് പ്രിയപ്പെട്ടവര് തന്നെ.
ഇപ്പോഴിതാ മകൾ നൈസ ദേവ്ഗണ്ണിന് ഇരുപതു വയസ്സ് തികയുന്നതിന്റെ സന്തോഷം രണ്ടുപേരും സോഷ്യല് മീഡിയയിലൂടെ പങ്കുവച്ചിരിക്കുകയാണ്. ത്രോബാക്ക് ചിത്രങ്ങളുമായിട്ടാണ് താരങ്ങൾ മകള്ക്ക് ജന്മദിനാശംസകൾ നേർന്നത്.
‘‘ഹേ മകളേ, നീ ഒരു പ്രത്യേകതയുള്ളവളാണ്. ഇന്ന്, നാളെ, എന്നെന്നേക്കുമായി. ജന്മദിനാശംസകൾ നൈസ. നിന്നെ ലഭിച്ചതിൽ സന്തോഷമുണ്ട്,അതൊരു ഭാഗ്യവുമാണ്. 🤗.’’ എന്നാണ് അജയ് ദേവ്ഗണ് കുറിച്ചത്. ഒപ്പം നൈസയുടെ ക്യൂട്ടായ ഒരു ചിത്രവും പങ്കുവച്ചിട്ടുണ്ട്.
Hey daughter, you are special. Today, tomorrow, forever. Happy birthday Nysa. Privileged to have you 🤗 pic.twitter.com/c2XBRMeRsL
— Ajay Devgn (@ajaydevgn) April 20, 2022
കാജോളും മകള്ക്ക് ജന്മദിനാശംസ കുറിച്ചിട്ടുണ്ട്. ‘‘ജന്മദിനാശംസകൾ കുഞ്ഞേ. എന്റേത് പോലെ നിന്റെ പുഞ്ചിരിയും ലോകത്തെ എപ്പോഴും പ്രകാശിപ്പിക്കട്ടെ.. നീയാണ് ഏറ്റവും മികച്ചത്!’’ എന്നാണ് കാജോള് കുറിച്ചത്. ഒപ്പം സുന്ദരമായി ചിരിച്ചു കൊണ്ടിരിക്കുന്ന മകളുടെ ചിത്രവും പങ്കുവച്ചിട്ടുണ്ട്.
അജയ് ദേവ്ഗണിന്റെയും കജോളിന്റെയും മകളായ നൈസ സിംഗപ്പൂരിൽ പഠിക്കുകയായിരുന്നു. കജോളും അജയ് ദേവ്ഗണും ഇടയ്ക്കിടയ്ക്ക് മകളുടെ ചിത്രങ്ങൾ പങ്കുവയ്ക്കാറുണ്ട്.
വിവാഹത്തിനു മുമ്പും അതിനു ശേഷവും കാജോളും അജയ് യും ഒരുമിച്ച് സിനിമയില് അഭിനയിച്ചിട്ടുണ്ട്. 2020-ൽ സെയ്ഫ് അലി ഖാൻ അഭിനയിച്ച തൻഹാജി: ദി അൺസങ് വാരിയർ എന്ന ചിത്രത്തിലാണ് ദമ്പതികളെ അവസാനമായി ഒരുമിച്ച് കണ്ടത്.
തന്റെ ഡിജിറ്റൽ അരങ്ങേറ്റം കുറിച്ച നെറ്റ്ഫ്ലിക്സ് ചിത്രമായ ത്രിഭംഗയിലാണ് കാജോൾ അവസാനമായി അഭിനയിച്ചത്. അജയ് ദേവ്ഗൺ നിർമ്മിച്ച ത്രിഭംഗ സംവിധാനം ചെയ്തത് രേണുക സഹാനെയാണ്, തൻവി ആസ്മി, മിഥില പാൽക്കർ എന്നിവരും അഭിനയിച്ചിരുന്നു. രേവതിയുടെ സലാം വെങ്കി എന്ന ചിത്രത്തിലാണ് കാജോള് അടുത്തതായി അഭിനയിക്കുന്നത്.
അജയ് ദേവ്ഗണ്ണിന് ഈ വർഷം വളരെ തിരക്കുള്ള ഷെഡ്യൂളായിരുന്നു. ആലിയ ഭട്ടിനൊപ്പം സഞ്ജയ് ലീല ബൻസാലി സംവിധാനം ചെയ്ത ഗംഗുഭായ് കത്യവാഡി, രാം ചരൺ, ജൂനിയർ എൻടിആർ, ആലിയ ഭട്ട് എന്നിവർക്കൊപ്പം എസ്എസ് രാജമൗലിയുടെ ആർആർആർ എന്നിവയിലും താരം അഭിനയിച്ചിരുന്നു. മൈതാനം എന്ന കായിക നാടകത്തിലും താരം അഭിനയിച്ചിരുന്നു. ഇപ്പോള് അജയ് തന്നെ സംവിധാനം ചെയ്യുന്ന റൺവേ 34 ന്റെ റിലീസിനായി കാത്തിരിക്കുകയാണ്.
