വിഷാദ രോഗിയായ ഭര്ത്താവ് ഭാര്യയെ കോടാലി ഉപയോഗിച്ച് 124 വെട്ട് വെട്ടിക്കൊന്നു. ലണ്ടനില് സ്ഥിര താമസമാക്കിയ സഞ്ജയ് നിജ്ഹാവനാണ് ഭാര്യ സോണിത നിജ്ഹാവനെ വെട്ടികൊലപ്പെടുത്തിയത്. മേയിലാണ് ചോരയില് കുളിച്ചുകിടന്ന സോണിതയുടെ മൃതദേഹം നീന്തല് കുളത്തില് കണ്ടെത്തിയത്.
38 കാരിയായ സോണിതയുടെ തലയ്ക്കും കഴുത്തിനുമാണ് മാരകമായി വെട്ടേറ്റത്. കഴുത്തില് മാത്രം കണ്ടത് 25 ഓളം മുറിപ്പാടുകളായിരുന്നു ഉണ്ടായിരുന്നത്. പ്രതിരോധിക്കാന് ശ്രമിച്ചതായുള്ള തെളിവുകളും പോലീസ് കണ്ടെത്തിയിരുന്നു. 42 കാരനായ ഇയാള് കടുത്ത മാനസീക പ്രതിസന്ധകള്ക്ക് അടിമയായിരുന്നുവെന്നും. കൊലപാതകം നടന്ന കാലത്ത് ഇയാള് നിരാശനായിരുന്നുവെന്നും കോടതി കണ്ടെത്തി. കടുത്ത സാമ്പത്തീക പ്രതിസന്ധി നേരിട്ടിരുന്ന ഇയാള്ക്ക് ജോലി നഷ്ടപ്പെടുകയും ചെയ്തതോടെ വിഷാദത്തില് ആകുകയായിരുന്നു.
ഇരുവരും വിവാഹം ബന്ധം വേര്പിരിക്കാന് ഹര്ജ്ജി നല്കിയിരുന്നു. അതിനാല് തന്നെ ഇത് കരുതിക്കൂട്ടിയ കൊലപാതകം തന്നെയാണെന്നും കോടതി അഭിപ്രായപ്പെട്ടു. ഇയാളെ വെറുതെ വിട്ടാല് സമൂഹത്തിന് ദോഷം ചെയ്യുമെന്നും കോടതി അഭിപ്രായപ്പെട്ടു. കോടതി ഇയാള്ക്ക് ജീവപര്യന്തം ശിക്ഷയും വിധിച്ചു. കുറഞ്ഞ പക്ഷം ഒന്പത് വര്ഷവും 172 ദിവസവും പ്രതി ശീക്ഷ അനുഭവിക്കണം. പ്രതി കൊലപാതകക്കുറ്റം നിഷേധിച്ചിരുന്നു.
