ന്യുഡല്ഹി: രാഷ്ട്രപതി തിരഞ്ഞെടുപ്പില് പ്രതിപക്ഷ കക്ഷികളുടെ തീരുമാനത്തിന് വിരുദ്ധമായി വോട്ട് ചെയ്തത് 18 സംസ്ഥാനങ്ങളില്. 126 എം.എല്.എമാരും 17 എം.പിമാരുമാണ് ക്രോസ് വോട്ട് ചെയ്തത്. പ്രതിപക്ഷ നിരയില് പെട്ട പ്രദേശിക പാര്ട്ടികളില് നിന്നാണ് വോട്ട് ചോര്ച്ചയുണ്ടായത്. ഇത് മുര്മുവിനെ വന് ഭൂരിപക്ഷത്തിലേക്ക് എത്തിച്ചു.
പ്രതിപക്ഷ നിരയില് ഗോത്രവിഭാഗങ്ങളില് നിന്നുള്ള എം.എല്.എമാരില് നിന്നാണ് നേതൃതീരുമാനം മറികടന്ന് വോട്ട് നടന്നിരിക്കുന്നത്. അസ്സമിലാണ് ഏറ്റവും കൂടുതല് ക്രോസ് വോട്ട് നടന്നിരിക്കുന്നത്. 22 പേര്. മധ്യപ്രദേശില് കോണ്ഗ്രസില് നിന്നുവരെ ചോര്ച്ചയുണ്ടാക്കി. 19 വോട്ടാണ് ഇത്തരത്തില് മുര്മുവിന് ലഭിച്ചത്.
ഝാര്ഖണ്ഡ് ആണ് മുര്മുവിനെ അകമഴിഞ്ഞ് പിന്തുണച്ച മറ്റൊരു സംസ്ഥാനം. ഇവിടെ ആകെയുള്ള 81 വോട്ടില് ഒമ്പതെണ്ണം മാത്രമാണ് പ്രതിപക്ഷ സ്ഥാനാര്ത്ഥി യശ്വന്ത് സിന്ഹയ്ക്ക് ലഭിച്ചത്. മഹാരാഷ്ട്രയില് നിന്ന് 16 വോട്ടുകള് പ്രതിപക്ഷ നിരയില് നിന്നും മുര്മുവിന് ലഭിച്ചു. അതേസമയം, സ്വന്തം നാടായ ഒഡീഷയില് മുര്മുവിന് 147ല് 137 വോട്ടും ലഭിച്ചു.
ഗുജറാത്തില് 10 കോണ്ഗ്രസ് എം.എല്.എമാര് ക്രോസ് വോട്ട് രേഖപ്പെടുത്തി.
