രാമലീലയുടെ മികച്ച വിജയത്തിനു ശേഷം അരുൺ ഗോപി-ദിലീപ് കൂട്ടുകെട്ടിൽ ഒരുങ്ങുന്ന പുതിയ ചിത്രത്തിൻ്റെ ചിത്രീകരണത്തിന് സെപ്റ്റംബർ ഒന്ന് വ്യാഴാഴ്ച്ച തുടക്കമായി. കൊട്ടാരക്കര മഹാഗണപതി ക്ഷേത്രത്തിൽ നടന്ന ചടങ്ങിലൂടെയാണ് തുടക്കമായത്. അജിത് വിനായക ഫിലിംസിൻ്റെ ബാനറിൽ വിനായക അജിത്താണ് ഈ ചിത്രം നിർമ്മിക്കുന്നത് ഈ ചിത്രത്തിലൂടെ പ്രശസ്ത ബോളിവുഡ് താരം തമന്ന ആദ്യമായി മലയാളത്തിലെത്തുന്നു എന്നതും ഏറെ ശ്രദ്ധേയമാണ്.
ദിലീപ് ആദ്യ ഭദ്രദീപം തെളിയിച്ചതോടെയാണ് തുടക്കമായത്.തുടർന്ന് വി നായക അജിത്, അരുൺ ഗോപി ,, സിദ്ദിഖ്, ഉദയ്കൃഷ്ണൻ, എന്നിവർ ഈ ചടങ്ങ് പൂർത്തികരിച്ചു. വിനായക അജിത് സ്വിച്ചോൺ കർമ്മം നടത്തി, ദിലീപും തമന്നയും ചേർന്ന് ഫസ്റ്റ് ക്ലാപ്പും നൽകി.
വലിയ മുതൽ മുടക്കിൽ ഒരുങ്ങുന്ന ഒരു പാൻ ഇന്ത്യൻ ചിത്രമായിരിക്കുമിത്. ദിലീപിനു പുറമേ ദക്ഷിണേന്ത്യൻ ഭാഷകളിലേയും ബോളിവുഡ്ഢിലേയും പ്രമുഖ താരങ്ങളാണ് ഈ ചിത്രത്തിൽ അണിനിരക്കുന്നത്. ഗുജറാത്ത്, മുംബൈ, ജാർഖണ്ഡ്, എന്നിവിടങ്ങളിലായാണ് ഈ ചിത്രത്തിൻ്റെ ചിത്രീകരണം നടക്കുക.പുർണ്ണമായും ഉത്തരേന്ത്യയിൽ നടക്കുന്ന കഥ. ഉദയ് കൃഷണ യുടേതാണ് തിരക്കഥ' സംഗീതം സാം, സി.എസ്. ഷാജികുമാറാണ് ഛായാ' ഗ്രാഹകൻ.
എഡിറ്റിംഗ് - വിവേക് ഹർഷൻ. കോസ്റ്റ്യും - ഡിസൈൻ - പ്രവീൺ വർമ്മ, മേക്കപ്പ് -രഞ്ജിത്ത് അമ്പാടി -ചീഫ് അസ്സോസ്സിയേറ്റ് ഡയറക്ടർ -രതീഷ് പാലോട്. അസ്സോസ്സിയേറ്റ് ഡയറക്ടർ- റാം പാർത്ഥൻ
പ്രൊഡക്ഷൻ എക്സിക്കുട്ടിവ് - ഷിഹാബ് വെണ്ണല, പ്രൊജക്റ്റ് ഡിസൈനർ - നോബിൾ ജേക്കബ്.
സെപ്റ്റംബർ പതിനഞ്ചു മുതൽ ഈ ചിത്രത്തിൻ്റെ ചിത്രീകരണമാരംഭിക്കുന്നു.
വാഴൂർ ജോസ്.
ഫോട്ടോ - രാംദാസ് മാത്തൂർ
