കോട്ടയം: കറുകച്ചാല് പോലീസ് സ്റ്റേഷനു മുന്നില് പെണ്കുട്ടിക്ക് കുത്തേറ്റു. പ്രാണരക്ഷാര്ത്ഥം പെണ്കുട്ടി പോലീസ് സ്റ്റേഷനിലേക്ക് ഓടിക്കയറി. പെണ്കുട്ടിയുടെ ഇടതുകൈയ്ക്കാണ് കുത്തേറ്റിരിക്കുന്നത്. പോലീസ് ഇടപെട്ട് പെണ്കുട്ടിയെ ഉടന് തന്നെ ആശുപത്രിയില് പ്രവേശിപ്പിച്ചു. പരിക്ക് ഗുരുതരമല്ല.
പെണ്കുട്ടിയെ ഉപദ്രവിച്ച പാമ്പാടി പൂതക്കുഴി സ്വദേശി അഖില് കസ്റ്റഡിയിലായി. ഇയാളെ ചോദ്യം ചെയ്തുവരികയാണ്. പരാതി നല്കുന്നതിനായി ഒരു സുഹൃത്തിനൊപ്പം കറുകച്ചാലില് എത്തിയതായിരുന്നു പെണ്കുട്ടി. ഇവരെ പിന്തുടര്ന്നുവന്നാണ് അഖില് ആക്രമിച്ചത്. പാമ്പാടി സ്വദേശിനിയാണ് പെണ്കുട്ടിയും. വര്ഷങ്ങളായി അഖിലുമായി പരിചയമുണ്ടായിരുന്നു. അഭിപ്രായ ഭിന്നതയെ തുടര്ന്ന് ഇരുവരും അകന്നിരുന്നു.
