ബ്രഹ്മാണ്ഡ ചിത്രങ്ങളുടെ സംവിധായകന് എസ്.എസ്. രാജമൗലി പ്രേക്ഷകര്ക്ക് മുന്നിലെത്തിക്കാറുള്ളത് പലപ്പോഴും അത്ഭുതങ്ങളാണ്. രാജമൗലിയുടെ പുതിയ സിനിമ ആര്ആര്ആറിന് ഗോള്ഡന് ഗ്ലോബ് അവാര്ഡ് കിട്ടിയത് ഇന്ത്യന് സിനിമാലോകം മുഴുവന് ആഘോഷിച്ചിരുന്നു. ഓസ്കാറിലേക്കും ആര് ആര് ആര് നോമിനേറ്റ് ചെയ്തിട്ടുണ്ട്. സോഷ്യല് മീഡിയയില് സജീവമായ രാജമൗലി ഇപ്പോള് പങ്കുവച്ചിരിക്കുന്നത് മറ്റൊരു സന്തോഷമാണ്.
കനേഡിയന് ഫിലിംമേക്കര് ജെയിംസ് കാമറൂൺ RRR കണ്ടതിനെക്കുറിച്ചാണ് രാജമൗലി ട്വിറ്ററില് കുറിച്ചത്. ഒപ്പം കാമറൂണിനും ഭാര്യയ്ക്കുമൊപ്പം സംസാരിക്കുന്ന ചിത്രങ്ങളുമുണ്ട്. ‘‘മഹാനായ ജെയിംസ് കാമറൂൺ RRR കണ്ടു.. അദ്ദേഹത്തിന് അത് വളരെയധികം ഇഷ്ടമായതിനാൽ അദ്ദേഹം തന്റെ ഭാര്യ സുസിയോട് ശുപാർശ ചെയ്യുകയും അവരോടൊപ്പം അത് വീണ്ടും കാണുകയും ചെയ്തു.
സർ, ഞങ്ങളുടെ സിനിമയെ വിശകലനം ചെയ്യാൻ നിങ്ങൾ 10 മിനിറ്റ് മുഴുവൻ ഞങ്ങളോടൊപ്പം ചെലവഴിച്ചത് എനിക്ക് ഇപ്പോഴും വിശ്വസിക്കാൻ കഴിയുന്നില്ല. നിങ്ങൾ പറഞ്ഞത് പോലെ ഞാൻ ലോകത്തിന്റെ നെറുകയിലാണ്... രണ്ടുപേർക്കും നന്ദി ...’’ എന്നാണ് സംവിധായകന് കുറിച്ചിരിക്കുന്നത്.
The great James Cameron watched RRR.. He liked it so much that he recommended to his wife Suzy and watched it again with her.🙏🏻🙏🏻
Sir I still cannot believe you spent a whole 10 minutes with us analyzing our movie. As you said I AM ON TOP OF THE WORLD... Thank you both 🥰🥰🤗🤗 pic.twitter.com/0EvZeoVrVa— rajamouli ss (@ssrajamouli) January 16, 2023
ജെയിംസ് കാമറൂണിനൊപ്പം രണ്ട് ചിത്രങ്ങൾ പങ്കിട്ട് രാജമൗലി ട്വിറ്ററിൽ കുറിച്ചത് അവതാർ സംവിധായകൻ തന്റെ സിനിമ വിശകലനം ചെയ്യാൻ 10 മിനിറ്റ് ചെലവഴിച്ചുവെന്ന് വിശ്വസിക്കാൻ കഴിയുന്നില്ലെന്നാണ്. ഒരു കാൻഡിഡ് ചാറ്റിനിടെ അദ്ദേഹം ജെയിംസ് കാമറൂണിന്റെ കൈകൾ പിടിക്കുന്നത് കാണാം. രണ്ടാമത്തെ ചിത്രത്തിൽ, കാമറൂണും ഭാര്യയും രാജമൗലിയും തമ്മില് വളരെ ആഴത്തിലുള്ള സംഭാഷണം നടത്തുന്നതായും കാണാം.
