ഇസ്ളാമാബാദ്: ഹാമിസ മുഖ്താര് എന്ന യുവതി നല്കിയ പരാതിയുടെ ചൂടാറിയിട്ടില്ല. അതിനിടയില് പാകിസ്ഥാന് ക്രിക്കറ്റ് ടീം നായകന് ബാബര് അസം വീണ്ടും ലൈംഗിക വിവാദത്തില്. ഇത്തവണ ഒരു പെണ്കുട്ടിയുമായി ലൈംഗികചുവയോടെ വീഡിയോകോളില് നടത്തുന്ന ചാറ്റാണ് വിവാദമായിട്ടുള്ളത്.
താരത്തിന്റെ സംസാരവും വീഡിയോകളും ചിത്രങ്ങളും ചാറ്റും ഇന്സ്റ്റാഗ്രാമിലൂടെ പുറത്തുവരികയും സാമൂഹ്യമാധ്യമങ്ങളില് വലിയ പ്രചാരവും കിട്ടിയിരിക്കുകയാണ്. പാക് ക്രിക്കറ്റ് ടീമിലെ സഹകളിക്കാരന്റെ കാമുകിയാണ് ഇതെന്നാണ് സംശയിക്കുന്നത്. അതേസമയം വീഡിയോയുടെ ആധികാരികത പരിശോധിച്ച് ഉറപ്പുവരുത്തിയിട്ടില്ല. ചാറ്റ് തുടര്ന്നാല് കാമുകന് സ്ഥിരമായി ടീമില് സ്ഥാനം നല്കാമെന്ന് അസം പറയുന്നുണ്ട്. അതേസമയം ഇത് അസമിനെതിരേയുള്ള ഹണിട്രാപ്പാണെന്ന് വിമര്ശനവും ശക്തമായി.
വിഡിയോയില് പ്രത്യക്ഷപ്പെടുന്നത് ബാബര് അസമല്ലെന്നാണ് അദ്ദേഹത്തെ അനുകൂലിക്കുന്നവര് പറയുന്നത്. വിവാദത്തില് ബാബര് അസമോ പാക് ക്രിക്കറ്റ് ബോര്ഡോ ഇതുവരെ പ്രതികരിച്ചിട്ടില്ല. അതേസമയം താരത്തിന് പിന്തുണയുമായി അനേകം ആരാധകരാണ് രംഗത്ത് വന്നിരിക്കുന്നത്. വീഡിയോയില് കാണുന്നത് ബാബര് അസമല്ലെന്നും മോര്ഫ് ചെയ്ത വീഡിയോ ആണെന്നുമാണ് വിമര്ശകര് പറയുന്നത്.
