തിരുവനന്തപുരം പാറശ്ശാല ഷാരോണ് വധക്കേസില് ക്രൈംബ്രാഞ്ച് ഇന്ന് കുറ്റപത്രം സമര്പ്പിച്ചു. പ്രതിയായ ഗ്രീഷ്മയെ അറസ്റ്റ് ചെയ്ത് 85- മത്തെ ദിനമാണ് കുറ്റപത്രം സമര്പ്പിക്കുന്നത്. ഗ്രീഷ്മ ആസൂത്രീതമായി കൊലപെടുത്തുകയായിരുന്നുവെന്നാണ് കുറ്റപത്രത്തില് വ്യക്തമാക്കുന്നത്.
കൊലപാതകം , തെളിവ് നശിപ്പിക്കല് എന്നിവയാണ് കുറ്റപത്രത്തില്. സംഭവത്തില് ഗൂഢാലോചന നടന്നിട്ടില്ലായെന്നും, ഗ്രീഷ്മയുടെ അമ്മയ്ക്കും അമ്മാവനും തെളിവ് നശിപ്പിക്കുന്നതിലുളള പങ്കാളിത്തെ കുറിച്ചും കുറ്റപത്രത്തില് വ്യക്തമാക്കിയിട്ടുണ്ട്. ഗ്രീഷ്മയുടെ അമ്മ സിന്ധുവും അമ്മാവന് നിര്മലകുമാറും കേസിലെ രണ്ടും മൂന്നും പ്രതികളാണ്. അറസ്റ്റുമായി ബന്ധപ്പെട്ട് നടത്തിയ തെളിവെടുപ്പുകളില് നിന്ന് ക്രൈംബ്രാഞ്ചിന് കൃത്യമായി വിവരങ്ങള് ശേഖരിക്കാന് കഴിഞ്ഞിട്ടുണ്ട്. ഷാരോണിന് വിഷം നല്കിയത് ഗ്രീഷ്മയാണെന്നും തെളിവുകളുണ്ട്.
90 ദിവസത്തിന് മുന്പ് കുറ്റപത്രം സമര്പ്പിക്കുന്നതിനാല് ഗ്രീഷ്മക്ക് ജാമ്യം ലഭിക്കാന് വൈകും. കേസില് ഗ്രീഷ്മയുടെ അമ്മ സിന്ധുവിന് ജാമ്യം ലഭിച്ചട്ടുണ്ട്. കാമുകനായ ഷാരോണിന് കഷായത്തില് കളനാശിനി നല്കി കൊലപ്പെടുത്തിയ കുറ്റത്തിനാണ് ഗ്രീഷ്മയെ അറസ്റ്റ് ചെയ്തത്.
