ഉണ്ണിമുകുന്ദന്റെ അഭിനയജീവിതത്തിലെ തന്നെ ഏറ്റവും മികച്ച ചിത്രമായി മുന്നേറുകയാണ് മാളികപ്പുറം എന്ന ചിത്രം. ചിത്രത്തിന് വളരെ മികച്ച പ്രതികരണമാണ് ലഭിക്കുന്നത്. ചിത്രം വിജയകരമായി മുന്നേറുന്നതിന്റെ ഇടയില് താരം വിവാദത്തില് അകപ്പെട്ടിരിക്കുകയാണിപ്പോള്. സിനിമയുമായി ബന്ധപ്പെട്ട് ഒരു യൂട്യൂബറുമായുളള താരത്തിന്റെ ഫോണ് സംഭാഷണം പുറത്തുവന്നതോടെ താരം വിവാദത്തിലാകുകയായിരുന്നു. ചിത്രത്തിനെ കുറിച്ച് മോശമായി റിവ്യൂ പറഞ്ഞെന്ന് ആരോപിച്ച് ഉണ്ണി മുകുന്ദന് യൂട്യൂബറിനോട് മോശമായി സംസാരിച്ചുവെന്ന തരത്തിലുളള വീഡിയോയാണ് ഇപ്പോള് യൂട്യൂബില് ചര്ച്ചാ വിഷയമാകുന്നത്. എന്നാല് സംഭവത്തില് വിശദീകരണമായി എത്തിയിരിക്കുകയാണ് താരം.
തന്റെ അച്ഛനെയും അമ്മയും പറ്റി മോശമായി സംസാരിച്ചതിനാലാണ് താന് ഫോണ് വിളിച്ചതെന്നാരുന്നു വിവാദത്തിന് വിരാമമിട്ടുകൊണ്ടുളള താരത്തിന്റെ തുറന്നുപറച്ചില്. താന് തെറി പറഞ്ഞട്ടുണ്ടങ്കില് അത് ഒരു മകന്റെ വിഷമമായോ ഉണ്ണിമുകുന്ദന്റെ അഹങ്കാരമായോ കാണമെന്നും താരം കുറിച്ചു. തന്റെ പ്രതികരണം മോശമായി തോന്നയിതിനാലാണ് 15 മിനിറ്റിനുശേഷം യൂട്യൂബറെ വിളിച്ച് മാപ്പ് പറഞ്ഞതെന്നും ഉണ്ണി മുകുന്ദന് പറഞ്ഞു. വീട്ടുകാരെ മോശമായി ചിത്രീകരിക്കരുതെന്നും സിനിമയില് അഭിനയിച്ച മോളെ വച്ച് ഭക്തികച്ചവടം നടത്തിയെന്ന് കേള്ക്കാന് ബുദ്ധിമുട്ടുളളതിനെ തുടര്ന്നാണ് താന് നേരിട്ട് ഫോണ് ചെയ്തതെന്നും നടന് വ്യക്തമാക്കി.
ഉണ്ണി മുകുന്ദന്റെ പോസ്റ്റ് ഇങ്ങനെയാണ് ;
തെറ്റ് സംഭവിച്ചു എന്നൊന്നും ഞാന് പറയുന്നില്ല, പക്ഷെ ഇന്നലെ ആ വ്യക്തിയെ, ഞാന് 15 മിനിറ്റിനു ശേഷം വിളിച്ചു മാപ്പു ചോദിച്ചിരുന്നു.തിരിച്ചു അദ്ദേഹം എന്നോടും മാപ്പ് പറഞ്ഞിരുന്നു. വിഡിയോ യൂട്ടുമ്പില് വന്നത് വ്യൂസിന് വേണ്ടിയാകാം, എന്നോടുള്ള തീര്ത്താല് തീരാത്ത ദേഷ്യം കൊണ്ടുമാവാം. മാന്ലി ആയിട്ട് സംസാരിക്കണം എന്ന് പറഞ്ഞതു കൊണ്ട് മാത്രമാണ് നേരിട്ട് വിളിച്ച് കാര്യം പറഞ്ഞത്.
സിനിമ റിവ്യു ചെയ്യണം, അഭിപ്രായങ്ങള് പറയണം. അതു പൈസയും സമയവും ചിലവാക്കുന്ന ഓരോ പ്രേക്ഷകന്റെയും അവകാശമാണ്..
എന്റെ ദേഷ്യം, സങ്കടം അത് ആ വ്യക്തിയുടെ പേര്സനല് പരാമര്ശങ്ങളോടാണ്.
നിങ്ങള് ഒരു വിശ്വാസി അല്ല എന്നു വച്ചു ഞാന് അയ്യപ്പനെ വിറ്റു എന്നു പറയാന് ഒരു യുക്തിയുമില്ലാ .
എന്നെ വളര്ത്തിയവര് എന്നെ ഇങ്ങനെയാക്കി എന്നു പറയുമ്പോ,അത് അച്ഛനേയും അമ്മയേയും മോശം പറയുന്നതായി മാത്രമേ എനിക്ക് കാണാന് സാധിക്കു.
എന്റെ പ്രതികരണം മോശമായി എന്നു എനിക്ക് തോന്നിയതുകൊണ്ട് മാത്രമാണ് ഞാന് ആ വ്യക്തിയെ വിളിച്ച് 15 മിനിറ്റ് മുകളില് വിളിച്ച് മാപ്പ് ചോദിച്ചതും , എന്നാല് സിനിമ അഭിപ്രായങ്ങള് ആവാം പക്ഷെ വീട്ടുകാരേയോ എന്റെ ചിന്തകളേയോ ആലോചിച്ച് ആവരുതേ ഒരോന്ന് പ്രസന്റ് ചെയേണ്ടത് എന്നെ ഞാന് പറഞ്ഞിട്ടുള്ളു , ഉദ്ദേശിച്ചിട്ടുള്ളു. ആദ്യ ഫോണ് കോള് റെക്കോര്ഡ് അല്ല എന്ന് പറഞ്ഞിട്ട് റെക്കോര്ഡ് ചെയ്ത സ്ഥിതിക്ക് രണ്ടാമത്തെതും റെക്കോര്ഡ് ആവണം ... അത് ഒരു പക്ഷേ ആ വ്യക്തി അറിഞ്ഞു ചെയ്തതോ അറിയാതെ ചെയ്തതോ ആവാം എന്തും ആയിക്കോട്ടേ
പറഞ്ഞ രീതി ശരി അല്ല എന്നു ആവാം.
പക്ഷെ പറഞ്ഞ കാര്യങ്ങള് ശരിയാണ് എന്ന പൂര്ണ്ണ വിശ്വാസത്തോടെ മുന്പോട്ട് പോവുകയാണ്.
ഒരു കാര്യം പറയാം ഞാന് ഒരു വിശ്വാസിയാണ്, അയ്യപ്പഭക്തനാണ് , ആരുടേയും വിശ്വാസത്തേ ചോദ്യം ചെയ്തിട്ടില്ലാ,ആരോടും മാറാന് പറഞ്ഞിട്ടില്ലാ ..
സിനിമ റിവ്യു ചെയ്യാം ചെയ്യാതെ ഇരിക്കാം , പക്ഷെ
'' ഫ്രീഡം ഓഫ് സ്പീച്ച് ' എന്നു പറഞ്ഞു വീട്ടുകാരേ
മോശമായി കാണിക്കരുത് , സിനിമയില് അഭിനയിച്ച ആ മോളേ വെച്ചു ഭക്തി കച്ചവടം നടത്തി എന്നൊക്കെ കേള്ക്കാന് ബുദ്ധിമുട്ടള്ളത് കൊണ്ടാണ് നേരിട്ട് വിളിച്ചത്.
ഒരു അച്ഛനേയോ അമ്മയേയോ തെറി വിളിച്ചാലോ കളിയാക്കിയാലോ, പിന്നെ ഒരു മകനും ഇങ്ങനെ ജീവിക്കാന് പറ്റില്ലാ. തെറി പറഞ്ഞിട്ടുണ്ടെങ്കില് , അത് ഒരു മകന്റെ വിഷമം ആയിട്ടോ അല്ലേല് ഉണ്ണി മുകുന്ദന്റെ അഹങ്കാരമായോ കാണാം . ഒരു സിനിമ ചെയ്തു, അതിനെ വിമര്ശിക്കാം, എന്നതു കൊണ്ട് എന്റെ മാതാപിതാക്കളേയോ ദേവുനേയോ അനാദരവോടെ സംസാരിക്കുന്നത് എനിക്ക് സ്വീകരിക്കാന് പറ്റില്ല ..
ഉണ്ണി എന്ന ഞാന് ഇമോഷണല്ലി റിയാക്റ്റ് ചെയ്തു എന്നു പലരും പറഞ്ഞു, സത്യം എന്തെന്നാല് ഞാന് ഇങ്ങനെയാണ്. ഒന്നും വെറുതെ കിട്ടിയതല്ലാ നല്ലവണ്ണം കഷ്ട്ടപ്പെട്ട് പ്രാര്ത്ഥിച്ചും പ്രയത്നിച്ചും കിട്ടിയതാണ്. അതിന് ഇവിടത്തെ പ്രേക്ഷകരോടും ദൈവത്തോടും തന്നെയാണ് ഇപ്പോഴും നന്ദി .
വാക്കുകള്കൊണ്ട് വേദനിപ്പിച്ചവരോട് ക്ഷമചോദിക്കുന്നു. Kindly take my apology as a testament for my responsibility as a socially responsible person and not as my weakness as a Man. ഇതു വരെ കൂടെ നിന്നതിനും ഇപ്പോഴും നിക്കുന്നതിനും സ്നേഹം മാത്രം . See u at the movies - Love u all ??
മാളികപ്പുറം തമിഴ് തെലുങ്ക് വേര്ഷനുകള് റിലീസ് ആവുകയാണ്. പ്രാര്ത്ഥിക്കണം ?? Unni Mukundan
