തിരുവനന്തപുരം: യുവജന കമ്മിഷന് അധ്യക്ഷ ചിന്താ ജെറോമിന്റെ ഗവേഷണ പ്രബന്ധം കോപ്പിയടിയാണെന്ന് സേവ് സര്വകലാശാല ക്യാമ്പയിന് കമ്മിറ്റി. കേരള സര്വകലാശാല വൈസ് ചാന്സിലര്ക്ക് പരാതി നല്കുമെന്നും കമ്മിറ്റി അറിയിച്ചു. ''വാഴക്കുല'' വിവാദത്തിനു പിന്നാലെയാണ് പുതിയ ആരോപണം.
നേരത്തെ ചിന്താ ജെറോമിന്റെ പിഎച്ച്.ഡി പ്രബന്ധം പുനഃപരിശോധിക്കണമെന്ന് ആവശ്യവുമായി സേവ് സര്വകലാശാല കാമ്പയിന് കമ്മിറ്റി കേരള സര്വകലാശാല വൈസ് ചാന്സലര്ക്ക് നിവേദനം നല്കിയിരുന്നു. അടുത്ത ദിവസം ഗവര്ണര്ക്ക് ഉള്പ്പെടെ പരാതി നല്കും.
ഗവേഷണ പ്രബന്ധത്തില് ''ബോധി കോമണ്സ്'' എന്ന വെബ് സൈറ്റിലെ ലേഖനം കോപ്പിയടിച്ചു ചേര്ത്തെന്നാണു പരാതി. ''നവലിബറല് കാലഘട്ടത്തിലെ മലയാള കച്ചവടസിനിമയുടെ പ്രത്യയശാസ്ത്ര അടിത്തറ'' എന്നയായിരുന്നു ചിന്തയുടെ ഗവേഷണ വിഷയം.
''വാഴക്കുല'' എന്ന കവിതയുടെ രചയിതാവിന്റെ പേര് പ്രബന്ധത്തില് തെറ്റായി ചേര്ത്തത് വിവാദമായിരുന്നു. കമ്യൂണിസ്റ്റ് പ്രസ്ഥാനം വിഭാവനം ചെയ്ത ജാതിരഹിത കാഴ്ചപ്പാടില് വെള്ളം ചേര്ക്കുന്നതാണ് പ്രിയദര്ശന്റെയും രഞ്ജിത്തിന്റെയും സിനിമകളെന്നൊക്കെ പറഞ്ഞ് വരുന്നതിനിടെയാണ്വാഴക്കുല എന്ന കവിതയിലേക്ക് എത്തുന്നത്.
ഈ ഭാഗത്താണ് ''വാഴക്കുല ബൈ വൈലോപ്പിള്ളി'' എന്ന് ചിന്താ ജെറോം ഗവേഷണ പ്രബന്ധത്തിലെഴുതിയത്. ആര്യന് സിനിമ പറയുന്നതിടത്താണ് വാഴക്കുല പരാമര്ശം. എന്നാല് ആര്യനില് മോഹലാലിന്റെ കഥാപാത്രം കൃത്യമായി വാഴക്കുലയുടെ രചയിതാവിനെ പറയുന്നുമുണ്ട്.
സിനിമ പോലും കാണാതെയാണോ പ്രബന്ധം തയാറാക്കിയതെന്നതടക്കമുള്ള ആരോപണങ്ങളാണ് ചിന്തക്കെതിരേ ഉയരുന്നത്. ഗവേഷണ പ്രബന്ധത്തിലെ ഗുരുതരതെറ്റ് പുറത്തുവന്നിട്ടും കേരള സര്വകലാശാലയും ചിന്താ ജെറോമും പ്രതികരിക്കാന് തയാറായിട്ടില്ല ചിന്തയുടെ ഡോക്ടറേററ് റദ്ദാക്കണമെന്ന് ആവശ്യപ്പെട്ട് യൂത്ത് കോണ്ഗ്രസ് രംഗത്ത് എത്തിയിട്ടുണ്ട്. കേരള സര്വകലാശാല മുന് പ്രോ വിസിയായിരുന്നു ചിന്തയുടെ ഗൈഡ്.
പ്രബന്ധ വിവാദം സിപിഎമ്മും ഇടപെടുന്നു
യുവജന കമ്മിഷന് അധ്യക്ഷ ചിന്ത ജറോമിന്റെ ഗവേഷണ പ്രബന്ധത്തില് കടന്നു കൂടിയ ഗുരുതര പിഴവ് സി.പി.എം നേതൃത്വം ഗൗരവത്തോടെ കാണുന്നു. ഇക്കാര്യത്തില് കേരള സര്കലാശാലയുടെ തീരുമാനം നിര്ണായകമാകും. ചിന്താ ജറോമിന്റെ ഡോക്ടറേറ്റ് പിന്വലിക്കുന്ന തരത്തിലേക്ക് കാര്യങ്ങള് നീങ്ങിയാല് പാര്ട്ടി നടപടിയും ഉണ്ടാകും. അതിനിടെ ചിന്തയുടെ പ്രബന്ധം ''ബോധി കോമണ്സ്'' എന്ന വെബ്െസെറ്റില്നിന്നു കോപ്പിയടിച്ചതാണെന്ന് ആക്ഷേപവും ഉയര്ന്നിട്ടുണ്ട്. കാര്യങ്ങള് പാര്ട്ടി സംസ്ഥാന സെക്രട്ടറി എം.വി. ഗോവിന്ദന് സൂക്ഷ്മമായി വിലയിരുത്തുകയാണ്.
യുവജനകമ്മിഷന് അധ്യക്ഷയുടെ ഗവേഷണ പ്രബന്ധത്തിലെ ഗുരുതരതെറ്റ് പുറത്തുവന്നതോടെ കേരള സര്കലാശാലയും വെട്ടിലായി. ചിന്താ ജെറോമും വിശദീകരണം നല്കാതെ ഒഴിഞ്ഞുമാറുമ്പോള് പ്രശ്നം അതീവ ഗുരുതരമാണെന്ന് പ്രതിപക്ഷനേതാവ് വി.ഡി.സതീശന് അഭിപ്രായപ്പെട്ടു. ചിന്തയുടെ ഡോക്ടറേററ് റദ്ദാക്കണമെന്നാണ് യൂത്ത് കോണ്ഗ്രസ് ആവശ്യം. ചങ്ങമ്പുഴയുടെ വിഖ്യാതമായ വാഴക്കുല വൈലോപ്പിള്ളിയുടേതാണെന്ന് എഴുതിയ ചിന്തയുടെ ഗവേഷണ പ്രബന്ധം സി.പി.എമ്മിനും നാണക്കേടായി.
തെറ്റ് കണ്ടെത്താന് ഗൈഡായിരുന്നു മുന് പ്രോ വിസിക്കും മൂല്യനിര്ണയം നടത്തിയ വിദഗ്ധര്ക്കും കഴിയാത്തതും നാണക്കേടായി. ഓപ്പണ് ഡിഫന്സില് പോലും ഒരു ചര്ച്ചയും വിലയിരുത്തലും നടത്താതെയാണോ ഡോക്ടറേറ്റ് നല്കുന്നതെന്ന ഗൗരവമായ ചോദ്യവും ഉയരുന്നു.
ഡോക്ടറേറ്റ് തിരിച്ചെടുക്കണമെന്നു കവി ചങ്ങമ്പുഴ കൃഷ്ണപിള്ളയുടെ മകള്
തിരുവനന്തപുരം: ഗവേഷണ പ്രബന്ധത്തില് ഗുരുതര പിഴവ് കണ്ടെത്തിയ സാഹചര്യത്തില് യുവജന കമ്മിഷന് അധ്യക്ഷ ചിന്ത ജെറോമിന്റെ ഡോക്ടറേറ്റ് തിരിച്ചെടുക്കണമെന്നു കവി ചങ്ങമ്പുഴ കൃഷ്ണപിള്ളയുടെ മകള് ലളിത. വിദ്യാര്ഥി തെറ്റ് ചെയ്താലും അധ്യാപകന് അത് തിരുത്താന് കഴിയാതെപോയതാണ് ഗൗരവതരമെന്ന് ലളിത ചങ്ങമ്പുഴ പറഞ്ഞു.
'' വൈലോപ്പിള്ളിയുടെ 'മാമ്പഴം' മനസില് കണ്ടുകൊണ്ടാണ് ആ കുട്ടി പ്രബന്ധം എഴുതിയതെന്ന് തോന്നുന്നു. അതുകൊണ്ടാകാം തെറ്റുപറ്റിയത്. ചിന്തയെ കുറ്റം പറായാനാകില്ല. പ്രായം ആയാലും അവര് വിദ്യാര്ഥി തന്നെയാണ്. പക്ഷേ തെറ്റായ പ്രബന്ധത്തിന് ഡോക്ടറേറ്റ് നല്കാന് പാടില്ല. അത് തിരിച്ചെടുക്കണം. തെറ്റ് പറ്റി പോയതിന് ആര്ക്കും വിഷമമില്ല. തെറ്റ് പറ്റിയവര് അത് തുറന്നു പറയണം.'''-ലളിത ആവശ്യപ്പെട്ടു.
