കേന്ദ്ര ആരോഗ്യ മന്ത്രാലയം നിഷ്കര്ഷിച്ചിട്ടുള്ള നിബന്ധനകള് പാലിക്കാത്തതാണു കേന്ദ്ര ബജറ്റില് കേരളത്തിന് ഇക്കുറിയും എയിംസ് നിഷേധിക്കാനുള്ള കാരണമെന്നു വിലയിരുത്തല്. പദ്ധതിക്കായി മൂന്നോ നാലോ സ്ഥലങ്ങള് സംസ്ഥാന സര്ക്കാര് സമര്പ്പിക്കേണ്ടതാണ്. ഓരോ സ്ഥലത്തിനും കുറഞ്ഞത് 200 ഏക്കര് വിസ്തൃതി ഉണ്ടാകണം. കൂടാതെ നാലു വിധത്തിലുള്ള സഞ്ചാര സൗകര്യവും ആവശ്യമാണ്. വൈദ്യുതി, കുടിവെള്ള ലഭ്യത എന്നിവയെല്ലാം ഉണ്ടായിരിക്കണമെന്നും ആരോഗ്യ മന്ത്രാലയം നിഷ്കര്ഷിക്കുന്നു.
സംസ്ഥാന സര്ക്കാര്, കോഴിക്കോട് ജില്ലയിലെ കിനാലൂര് മാത്രമാണ് എയിംസിനായി കണ്ടെത്തിയത്. ഇവിടെ ആകെയുള്ളത് 150 ഏക്കര് സ്ഥലംമാത്രം. ഏറ്റവും കുറഞ്ഞതു മൂന്നു സ്ഥലങ്ങളെങ്കിലും കണ്ടെത്തിയിരിക്കണം. ഏറ്റവും അനുയോജ്യമായ സ്ഥലം തെരഞ്ഞെടുക്കേണ്ട ചുമതല കേന്ദ്ര ആരോഗ്യമന്ത്രാലയത്തിനാണെന്നു വിവരാവകാശ പ്രവര്ത്തകനായ മുറംതൂക്കില് തോമസ് തോമസിന് ലഭിച്ച ആര്.ടി.എ. മറുപടിയില് കേന്ദ്ര ആരോഗ്യ മന്ത്രാലയം അണ്ടര് സെക്രട്ടറി അജയ് കുമാര് വ്യക്തമാക്കി.
കേരളം ഇനിയും എയിംസിനായി അനുയോജ്യ സ്ഥലം കണ്ടെത്തിയിട്ടില്ലെന്നു കഴിഞ്ഞ വര്ഷം കൊച്ചിന് റിഫൈനറിയുടെ വികസന പ്രവര്ത്തനങ്ങളുടെ ഉദ്ഘാടന വേളയില് പ്രധാനമന്ത്രി നരേന്ദ്ര മോദി പറഞ്ഞത് മാധ്യമങ്ങള് റിപ്പോര്ട്ട് ചെയ്തിരുന്നു.
യഥാര്ഥത്തില് കോട്ടയം ജില്ലയിലെ വെള്ളൂരിലുള്ള കേരളാ പേപ്പര് പ്രോഡക്റ്റ് ലിമിറ്റഡിന്റെ (പഴയ ഹിന്ദുസ്ഥാന് ന്യൂസ് പ്രിന്റ്) നിലവിലുള്ള 700 ഏക്കര് സ്ഥലത്തുനിന്നും എയിംസിന് ആവശ്യമായ 200 ഏക്കര് കണ്ടെത്താന് കഴിയുമായിരുന്നുവെന്നു വിദഗ്ധര് പറയുന്നു.
കേവലം അരകിലോമീറ്റര് മാത്രം വരുന്ന റെയില്വേ സാമിപ്യം, ഒരു കിലോമീറ്റര് അകലെയുള്ള മൂവാറ്റുപുഴ ആറ്റിലെ ജലലഭ്യത, നെടുമ്പാശേരി രാജ്യാന്തര വിമാനത്താവളത്തിലേക്ക് അമ്പത് കിലോമീറ്ററില് താഴെ ദൂരം, കൊച്ചി തുറമുഖത്തേക്ക് 30 കിലോമീറ്റര് മാത്രം അകലം. കെ.എസ്.ഇ.ബി.യുടെ 110 കെ.വി സബ്സ്റ്റേഷന് അരികെ. എന്നിട്ടും വെള്ളൂരിനുള്ള സാധ്യത നോക്കാതെയാണു സ്ഥലപരിമിതിയുള്ള കിനാലൂരില് പദ്ധതി നടപ്പാക്കാന്
