ടെല് അവിവ് : ഇസ്രായേല് ടെല് അവിവ് വിമാനത്താവളത്തില് കഴിഞ്ഞ ദിവസം ടിക്കറ്റ് ഇല്ലാത്തതിന്റെ പേരില് കുഞ്ഞിനെ വിമാനത്താവളത്തില് ഉപേക്ഷിച്ചു. കുട്ടിയ്ക്ക് ഇവര് ടിക്കറ്റ് എടുത്തിട്ടില്ലായിരുന്നു. ബ്രസല്സിലേക്ക് റയാന്എയര് എയര്ലൈന്സിലാണ് ഇവര് ടിക്കറ്റ് ബുക്ക് ചെയ്തത്.
ചെക്ക് ഇന് കൗണ്ടറില് കുഞ്ഞിനെ ഇവര് ഉപേക്ഷിയ്ക്കുകയായിരുന്നു. എന്നാല് ഇവിടെ ഉണ്ടായിരുന്ന ഒഫിഷ്യലുകള് എയര്പോര്ട്ട് സെക്യൂരിറ്റിയെ വിവരമറിയിച്ചു. ഇതോടെ കുട്ടിയുടെ മാതാപിതാക്കളെ സുരക്ഷാ ഉദ്യോഗസ്ഥര് യാത്ര ചെയ്യാന് അനുവദിയ്ക്കാതെ തിരിച്ചിറക്കി.
കുഞ്ഞിനു ടിക്കറ്റ് എടുക്കേണ്ടിവരില്ലന്നാണ് മാതാപിതാക്കള് കരുതിയത്. എന്നാല് പിന്നീടാണ് അറിഞ്ഞത് കുട്ടിയ്ക്കും ടിക്കറ്റ് വേണമെന്നു. എന്നിട്ടും കുഞ്ഞിനു ടിക്കറ്റ് എടുക്കാന് മാതാപിതാക്കള് വിസമ്മതിയ്ക്കുകയായിരുന്നു.
ഓണ്ലൈന് ടിക്കറ്റ് എടുത്ത സമയത്തു റയാല് എയറില് 27 ഡോളറാണ് മാതാപിതാക്കളുടെ മടിയിലിരുന്ന് കുട്ടികള്ക്ക് യാത്ര ചെയ്യാന് നല്കേണ്ടത്. ഇതോടെയാണ് കുട്ടിയെ വിമാനത്താവളത്തില് ഉപേക്ഷിയ്ക്കാന് ഇവര് തയാറായതെന്ന വാദം ഇസ്രായേല് എയര്പോര്ട്ട് അധികൃതര് തള്ളുന്നു. സുരക്ഷാ പരിശോധനയ്ക്ക് പോകുന്നതിനു വേണ്ടിയാണ് കുഞ്ഞിനെ ചെക്ക്ഇന്നിന് അടുത്ത് തനിച്ചാക്കിയതെന്നാണ് മറ്റൊരു വാദം.
