ചെന്നൈ: കുടുംബ വഴക്കിനെ തുടര്ന്ന് മദ്യത്തില് വിഷം ചേര്ത്ത് ഭാര്യ ഭര്ത്താവിനെ കൊലപ്പെടുത്തി. ചെന്നൈ മധുരാന്തകം സ്വദേശിനിയായ കവിതയാണ് ഭര്ത്താവിനെ കൊലപ്പെടുത്തിയത്. അന്യ പുരുഷനുമായി ഭാര്യയക്ക് ബന്ധം ഉണ്ടെന്ന് കണ്ടെത്തിയതിനെ തുടര്ന്നാണ് ഇരുവരും തമ്മില് വഴക്കുണ്ടായത്. വിഷം ചേര്ത്തതറിയാതെ മദ്യം സുഹൃത്തുമായി ഭര്ത്താവ് പങ്കിട്ടിരുന്നു. ചൊവ്വാഴ്ച ആശുപത്രിയില് വച്ചാണ് ഇരുവരും മരണമടഞ്ഞത്.
ഒരു സ്വകാര്യ കമ്പനിയിലെ ജോലിക്കാരിയാണ് കവിത. ഭര്ത്താവ് കെ. സുകുമാര് ഒരു ചിക്കന് സ്റ്റാളിലാണ് ജോലി ചെയ്തിരുന്നത്. ഒപ്പം ജോലി ചെയ്യുന്ന ഒരാളുമായി കവിതയ്ക്ക് ഉണ്ടായിരുന്ന അടുപ്പത്തെ ചൊല്ലി ഇരുവരും തമ്മില് വഴക്ക് പതിവായിരുന്നു. മൂന്ന് മാസം വഴക്കിനെ തുടര്ന്ന് ഇരുവരും മാറി താമസിച്ചിരുന്നെങ്കിലും കുടുംബങ്ങള് പ്രശ്നം ഒത്ത് തീര്പ്പാക്കിയിരുന്നു. എന്നാല് കവിത സഹപ്രവര്ത്തകനുമായിട്ടുള്ള ബന്ധം തുടരുകയായിരുന്നു.
വീണ്ടും വഴക്ക് രൂക്ഷമായതോടെ കവിത സുകുമാറിനെ കൊലപ്പെടുത്താന് പദ്ധതിയിടുകയായിരുന്നു. ശനിയാഴ്ച ഭര്ത്താവിന്റെ സഹോദരന് മണിയുടെ വീട്ടിലെത്തിയ കവിത, സുകുമാര് മദ്യം വാങ്ങാന് പറഞ്ഞെന്ന് വിശ്വസിപ്പിച്ച് 400 രൂപ നല്കി മണിയെ മദ്യം വാങ്ങാന് പറഞ്ഞ് വിടുകയായിരുന്നു. വാങ്ങിയ രണ്ട് കുപ്പികളില് ഒന്ന് മണിക്ക് നല്കി മറ്റേത് കവിത കൈയ്യില് സൂക്ഷിക്കുകയായിരുന്നു.
സിറിഞ്ച് ഉപയോഗിച്ച് സൂക്ഷിച്ച് വച്ച മദ്യകുപ്പിയില് കീടനാശിനി ചേര്ക്കുകയും സുഹൃത്ത് നല്കിയതാണെന്ന് ധരിപ്പിച്ച് കവിത ഈ കുപ്പി സുകുമാറിന് കൈമാറുകയായിരുന്നെന്നും പോലീസ് വ്യക്തമാക്കി. തിങ്കളാഴ്ച മദ്യകുപ്പിയുമായി ചിക്കന് സ്റ്റാളിലെത്തിയ സുകുമാര് ഉച്ചയൂണിന് മുന്പ് ഒരു പെഗ് അടിക്കാനായി എടുക്കുകയായിരുന്നു. എന്നാല് ഈ സമയം ഹരിലാല് എന്ന സുഹൃത്തും മദ്യം ചോദിച്ചു. ഇരുവരും ഒരുമിച്ച് ഇരുന്ന മദ്യം കഴിക്കുകയും അബോധാവസ്ഥയില് ആകുകയും ആയിരുന്നു.
തുടര്ന്ന് സ്റ്റാളിലെ ജോലിക്കാര് ഇരുവരെയും ചെങ്കല്പ്പേട്ട് ജനറല് ആശുപത്രിയില് എത്തിച്ചു. ഭാര്യ നല്കിയ മദ്യം കുടിച്ചപ്പോഴാണ് ബോധം നഷ്ടമായതെന്ന് സുകുമാര് പോലീസിനോട് വെളിപ്പെടുത്തി. ഇതിനെ തുടര്ന്ന് നടത്തിയ രാസ പരിശോധനയിലാണ് മദ്യത്തില് കീടനാശിനി സാന്നിധ്യം കണ്ടെത്തിയത്. കവിതയെ പോലീസ് അറസ്റ്റ് ചെയ്യുകയും ചെയ്തു.
