ഗാനഗന്ധർവ്വൻ, പ്രതി പൂവൻ കോഴി, ഷൈലോക്ക്, ദൃശ്യം 2, മാലിക്, വൺ എന്നീ സിനിമകളിലൂടെ മലയാളത്തില് സജീവമായ താരമാണ് ലയ സിംസണ്. പരസ്യ ചിത്രങ്ങളിലൂടെ അഭിനയരംഗത്തെത്തി സിനിമയിൽ സജീവമായി മാറിയ ലയ പത്തോളം സിനിമകളിൽ അഭിനയിച്ചിട്ടുണ്ട്. വളരാരുമുഖിയം എന്ന ചിത്രത്തിലൂടെ തമിഴകത്തും നടി അരങ്ങേറ്റം കുറിച്ചിരുന്നു. ഇപ്പോഴിതാ സാരിയില് അതീവ ഗ്ലാമറസ്സായുള്ള ലയയുടെ ചിത്രങ്ങളാണ് വൈറലാകുന്നത്. അമീന് ഫോട്ടോഗ്രഫിയുടെ ചിത്രങ്ങളാണ് സോഷ്യല് മീഡിയയില് ട്രെന്ഡിംഗാകുന്നത്. വെള്ളത്തിലുള്ള ഗ്ലാമറസ്സ് ചിത്രങ്ങളാണ് താരം പങ്കുവച്ചിരിക്കുന്നത്.
എൻജിനീയറിങ് ബിരുദധാരിയായ ലയ നാല് വർഷം കൊച്ചിൻ യൂണിവേഴ്സിറ്റിയിൽ ലക്ചറായി ജോലിചെയ്തിരുന്നു. വിവാഹം കഴിഞ്ഞ് കുട്ടികളായതിനുശേഷം ജോലി ഉപേക്ഷിച്ചു. ഒരു പരസ്യചിത്രത്തില് മകള് അഭിനയിച്ച വഴി ലയയ്ക്കും ആ പരസ്യചിത്രത്തില് അഭിനയിക്കാന് അവസരം കിട്ടി. പിന്നീട് പതിനഞ്ചോളം പരസ്യചിത്രങ്ങള് ചെയ്തു. മോഡലിങിനോടും ഫാഷനോടും താത്പര്യമുണ്ടായിരുന്ന ലയ പരസ്യചിത്രം വഴിയാണ് സിനിമയില് അഭിനയിച്ചു തുടങ്ങിയത്. ഭര്ത്താവ് ബിബിന് വിന്സെന്റ് ജിയോജിത്തിലെ ജനറല് മാനേജറാണ്. ‘ഹയ’ എന്ന മലയാള ചിത്രത്തിലാണ് ലയ അവസാനമായി അഭിനയിച്ചത്.
