ശക്തികപൂറിന്റെ മകള് എന്നതിലുപരി അഭിനേത്രിയായും ഗായികയായും തന്റെ കഴിവ് തെളിയിച്ച ബോളിവുഡ് നടിയാണ് ശ്രദ്ധ കപൂര്. ശ്രദ്ധയുടെ അഭിനയമികവ് അഭിനയിക്കുന്ന എല്ലാ ചിത്രങ്ങളിലും കാണാം. ആഷിക്വി 2 നടി സോഷ്യല് മീഡിയയില് സജീവമാണ്. താരം എല്ലാ പുതിയ ചിത്രങ്ങളും അതിലൂടെ പങ്കിടാറുണ്ട്. ഇപ്പോഴിതാ പാസ്റ്റൽ ബ്ലൂ നിറത്തിലുള്ള സാറ്റിന് സാരിയില് തിളങ്ങി നില്ക്കുന്ന ചിത്രങ്ങളാണ് താരം പങ്കിട്ടിരിക്കുന്നത്. ‘‘ഝൂട്ടിയെ ആകാശം പൊതിഞ്ഞിരിക്കുന്നു.. ’’ എന്ന ക്യാപ്ഷനും നല്കിയാണ് താരം ചിത്രം പങ്കിട്ടിരിക്കുന്നത്.
സാരിക്കൊപ്പം യൂണികോൺ ഗ്ലേസുമായി പൊരുത്തപ്പെടുന്ന സ്ലീവ്ലെസ് ഷോര്ട്ട് ബ്ലൗസും ആക്സസറീസായി ഒരു കൈയിൽ വളകളും ഒരു ചോക്കറും ഉൾപ്പെടുന്ന ഡയമണ്ട് ആഭരണങ്ങളും താരം ധരിച്ചിട്ടുണ്ട്. നെറ്റിയിൽ ഒരു ക്രിസ്റ്റൽ ബിന്ദിയണിഞ്ഞ്, മുടി അഴിച്ചിട്ട താരത്തിന്റെ എലഗന്റ് ലുക്കിലുള്ള ചിത്രങ്ങള് ട്രെന്ഡിംഗാകുകയാണ്.
രൺബീർ കപൂറിനൊപ്പമുള്ള തന്റെ വരാനിരിക്കുന്ന ചിത്രമായ "തു ജൂതി മെയ്ൻ മക്കർ" പ്രൊമോട്ട് ചെയ്യുന്നതിനായി, ശ്രദ്ധ കപൂർ ഇപ്പോൾ തിരക്കിലാണ്. രൺബീറിനും ശ്രദ്ധയ്ക്കുമൊപ്പം, ബോണി കപൂർ, മോണിക്ക ചൗധരി, ഹസ്ലീൻ കൗർ, രാജേഷ് ജെയ്സ്, ആയിഷ റാസ മിശ്ര, ഡിംപിൾ കപാഡിയ, തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നു.
