നാഗ്പൂര്: മൂന്ന് മാസം മുമ്പ് നരേന്ദ്രമോഡി ഉദ്ഘാടനം കഴിഞ്ഞ് 100 ദിവസം തികയുമ്പോള് സമൃദ്ധി എക്സ്പ്രസ്വേയില് 900 അപകടങ്ങള്. 31 പേര്ക്ക് ജീവന് പൊലിഞ്ഞ ഗുരുതരമായ അപകടങ്ങള് വരെ ഇതില്പെടുന്നു. മഹാരാഷ്ട്ര സര്ക്കാരിന് കീഴിലെ റീജിയണല് ട്രാന്സ്പോര്ക്ക് ഓഫീസിന്റെ പഠനത്തിലാണ് ഇക്കാര്യം പറയുന്നത്. 2022 ഡിസംബര് 11 നായിരുന്നു പ്രധാനമന്ത്രി നാഗ്പൂര്-മുംബൈ സമൃദ്ധി എക്സ്പ്രസ്വേ ഉദ്ഘാടനം ചെയ്തത്.
ഡ്രൈവര്മാര്ക്ക് എക്സ്പ്രസ്വേയുടെ എന്ട്രി പോയിന്റുകളില് കൗണ്സിലിംഗ് നല്കുന്നതിനെക്കുറിച്ച് അധികൃതര് നേരത്തേ തീരുമാനം എടുത്തിരുന്നെങ്കിലൂം നടപ്പിലായിരുന്നില്ല. അപകടങ്ങള് തുടര്ക്കഥയാകുന്ന സാഹചര്യത്തില് എക്സ്പ്രസ്വേയിലെ എട്ട് പ്രവേശകന കവാടത്തിലും ഡ്രൈവര്മാര്ക്ക് കൗണ്സിലിംഗ് നല്കും. അമിതവേഗതയുടെ കാര്യത്തില് തന്നെയാകും പ്രധാന ശ്രദ്ധ.
നാഗ്പൂര് - ഷിര്ദ്ദി സെക്ഷനുകളില് എട്ടു കൗണ്സിലിംഗ് സെന്ററുകളാണ് വരാന് പോകുന്നത്. 30 മിനിറ്റുകള് മുതല് ഒരു മണിക്കൂറുകള് വരെ നീളുന്നതാകും കൗണ്സിലിംഗ്. റോഡ് സുരക്ഷയുമായി ബന്ധപ്പെട്ട ഷോര്ട്ട് ഫിലിം ഉള്പ്പെടെയാണ് കൗണ്സിലിംഗ്. അപകടകരമായ ഡ്രൈവിംഗ് നടത്തില്ലെന്ന പ്രതിജ്ഞയും ഡ്രൈവര്മാരെകൊണ്ട് എടുപ്പിക്കും. വാഹനങ്ങളുടെ ആധിക്യം ടയര് പൊട്ടാനുള്ള സാധ്യതകള് എല്ലാം ഇതില് ഉള്പ്പെടും.
2022 ഡിസംബര് 11 മുതല് 2023 മാര്ച്ച് 20 വരെ ബ്രേക്ക്ഡൗണുകള് മൂലമുണ്ടായ അമിതവേഗതയില് 400 അപകടങ്ങളാണ് ഉണ്ടായത്. ടയര് പഞ്ചറായി 130 അപകടങ്ങളും ടയര് പൊട്ടലില് 108 അപകടങ്ങളും ഉണ്ടായി. ഇന്ധനവുമായി ബന്ധപ്പെട്ടായിരുന്നു 14 ശതമാനം അപകടങ്ങള് ഉണ്ടാക്കിയത്.
