ഡല്ഹി : മോദിയെ പുറത്താക്കൂ , രാജ്യത്തെ രക്ഷിക്കൂ ' എന്ന പ്രചാരണം ഏറ്റെടുത്ത് ആം ആദ്മി പാര്ട്ടി. ലോകസഭ തെരെഞ്ഞടുപ്പിന് മുന്നോടിയായി പാര്ട്ടി ഭരിക്കുന്ന സംസ്ഥാനങ്ങളില് പ്രചാരണ വിഷയമാക്കാനാണ് തീരുമാനം. ദില്ലിയില് ഇന്ന് തുടക്കം കുറിക്കുന്ന പരിപാടിയില് അരവിന്ദ് കെജ്രിവാളും പഞ്ചാബ് മുഖ്യമന്ത്രി ഭഗവന്ത് മാനും പങ്കെടുക്കും. പ്രധാനമന്ത്രി നരേന്ദ്ര മോദി എന്തിനാണ് ഭയക്കുന്നത് എന്ന് കെജ്രിവാള് ചോദിച്ചു.
മോദിയെ പുറത്താക്കൂ , രാജ്യത്തെ രക്ഷിക്കൂ ' എന്ന പോസ്റ്ററില് ദില്ലിയില് വ്യാപകമായി പ്രത്യക്ഷപ്പെട്ടിരുന്നു . രാജ്യതലസ്ഥാനത്ത് പ്രത്യക്ഷപ്പെട്ട ഈ പോസ്റ്റിറന്റെ ഉത്തരവാദിത്തം കൂടി ഏറ്റെടുത്ത കൂടെയെന്ന് ആം ആദ്മി പാര്ട്ടിയോട് ബിജെപി ചോദിച്ചു. മുദ്രാവാക്യം ഉയര്ത്തുന്നത് ആരെന്നോ ,അടിച്ചത് എവിടെയെന്നോ പോസ്റ്ററില് വ്യക്തമാക്കിയിരുന്നില്ല. ഇതോടെ ദില്ലി പോലീസ് അന്വേഷണം ആരംഭിച്ചു.
കണ്ടാലറിയുന്ന നൂറ്പേര്ക്കെതിരെയാണ് ഇന്നലെ കേസ എടുത്തിരുന്നത്. ആം ആദ്മി പാര്ട്ടി ആസ്ഥാനത്ത് നിന്ന് 2000 പോസ്റ്ററുകളുമായി ഒരു വാന് പിടിച്ചെടുത്തത്. വാഹന ഉടമ പോസ്റ്റര് ആം ആദ്മി പാര്ട്ടി ഓഫീസില് ഏല്പിക്കാന് പറഞ്ഞുവെന്നാണ് അറസ്റ്റിലായി ഡ്രൈവറുടെ മൊഴി.
മൊഴിയുടെ അടിസ്ഥാനത്തില് 5 പേരെ അറസ്റ്റ് ചെയ്തു. പ്രിന്റിംഗ് ആക്ട് പ്രകാരം മൂന്ന് മാസം വരെ തടവ് കിട്ടാവുന്ന ഡീഫെയ്സ്മെന്റ് ഓഫ് പബ്ലിക് പ്രോപ്പര്ട്ടി ആക്ട് പ്രകാരവുമാണ് കേസെടുത്തിരിക്കുന്നത്. പ്രധാനമന്ത്രിക്കെരിരെ പാര്ലമെന്റിലും പുറത്തും പ്രതിപക്ഷ പ്രതിക്ഷേധം ശക്തമാക്കുന്ന പശ്ചാത്തലത്തിലാണ് പോസ്റ്ററുകള് പ്രത്യക്ഷപ്പെട്ടരിക്കുന്നത്.
