2013 ഏപ്രിലിലായിരുന്നു ജനപ്രാതിനിധ്യനിയമത്തിലെ അയോഗ്യതാവ്യവസ്ഥ സംബന്ധിച്ച സുപ്രീം കോടതി വിധി. അത് മറികടക്കാനുള്ള ഓര്ഡിനന്സാണ് അഞ്ചുമാസത്തിനുശേഷം യു.പി.എ. സര്ക്കാര് കൊണ്ടുവന്നത്. എന്നാല്, വിഡ്ഢിത്തമെന്നാരോപിച്ച് രാഹുല് എതിര്ത്തതോടെ ഓര്ഡിനന്സ് പുറപ്പെടുവിക്കാനോ പിന്നീട് പാര്ലമെന്റില് ബില് അവതരിപ്പിച്ച് നിയമമാക്കാനോ സാധിച്ചില്ല.
ന്യൂഡല്ഹി: രാഹുല് ഗാന്ധി 2013-ല് ക്ഷുഭിതനായി മാധ്യമങ്ങള്ക്കു മുന്നില് കീറിയെറിഞ്ഞതു സ്വന്തം വിധി! ക്രിമിനല് കേസില് രണ്ടുവര്ഷം ശിക്ഷിക്കപ്പെടുന്ന ജനപ്രതിനിധികള് അയോഗ്യരാകുമെന്ന സുപ്രീം കോടതി വിധി മറികടക്കാന് യു.പി.എ. സര്ക്കാര് കൊണ്ടുവന്ന ഓര്ഡിനന്സാണു രാഹുല് ഡല്ഹി പ്രസ് ക്ലബ്ബില് കീറിയെറിഞ്ഞത്.
2013 ഏപ്രിലിലായിരുന്നു ജനപ്രാതിനിധ്യനിയമത്തിലെ അയോഗ്യതാവ്യവസ്ഥ സംബന്ധിച്ച സുപ്രീം കോടതി വിധി. അത് മറികടക്കാനുള്ള ഓര്ഡിനന്സാണ് അഞ്ചുമാസത്തിനുശേഷം യു.പി.എ. സര്ക്കാര് കൊണ്ടുവന്നത്. എന്നാല്, വിഡ്ഢിത്തമെന്നാരോപിച്ച് രാഹുല് എതിര്ത്തതോടെ ഓര്ഡിനന്സ് പുറപ്പെടുവിക്കാനോ പിന്നീട് പാര്ലമെന്റില് ബില് അവതരിപ്പിച്ച് നിയമമാക്കാനോ സാധിച്ചില്ല.
അഴിമതി അവസാനിപ്പിക്കണമെങ്കില് ഇത്തരം വിട്ടുവീഴ്ചകള് പാടില്ലെന്നായിരുന്നു രോഷാകുലനായ രാഹുലിന്റെ പ്രതികരണം. വിവാദ മോദി പരാമര്ശത്തിന്റെ പേരില് സൂറത്ത് കോടതി രണ്ടുവര്ഷം തടവുശിക്ഷ വിധിച്ചതോടെ രാഹുലിനു നഷ്ടപ്പെട്ടത് അന്ന് യു.പി.എ. സര്ക്കാര് ഓര്ഡിനന്സിലൂടെ കൊണ്ടുവരാന് ഉദ്ദേശിച്ച പരിരക്ഷയാണ്.
