പറക്കലിനിടയില് അന്തരീക്ഷത്തില് വെച്ച് ഒറിജിനല് പൈലറ്റ് കുഴഞ്ഞുവീണ സാഹചര്യത്തില് വിമാനത്തിന്റെ നിയന്ത്രണം ഏറ്റെടുത്ത് യാത്രക്കാരന്. ലാസ്വേഗാസില് നിന്നും ഒഹിയോയിലേക്ക് പോകുകയായിരുന്ന സൗത്ത് വെസ്റ്റ് എയര്ലൈന്സിന്റെ ഫ്ളൈറ്റ് 6013 ആയിരുന്നു പ്രതിസന്ധിയിലായത്. തുടര്ന്ന് അതേ വിമാനത്തില് യാത്ര ചെയ്തിരുന്നയാള് ക്യാബിനില് എത്തി സഹായിയായി.
വിമാനം ലാസ്വേഗാസില് സുരക്ഷിതമായി തിരിച്ചിറക്കി. അതേസമയം വിമാനത്തിന്റെ നിയന്ത്രണം ഏറ്റെടുത്തത് മറ്റൊരു എയര്ലൈന്സിന്റെ ഓഫ് ഡ്യൂട്ടിയിലുള്ള പൈലറ്റായിരുന്നു. പറക്കലിനിടയില് കൊളംബസിന് അടുത്തുവെച്ചായിരുന്നു സംഭവം. തുടര്ന്ന് വിമാനത്തിലെ ഒറിജിനല് പൈലറ്റിന് പറത്താന് ശാരീരികശേഷി ഇല്ലെന്നും അടിയന്തിര വൈദ്യസഹായം വേണ്ട സാഹചര്യം ഉണ്ടെന്നും ജീവനക്കാര് യാത്രക്കാരെ അറിയിച്ചു. സംഭവം നടക്കുമ്പോള് വിമാനം പറന്ന് ഒരു മണിക്കൂറും 17 മിനിറ്റും കഴിഞ്ഞിരുന്നു.
തുടര്ന്ന് വിമാനത്തില് യാത്രക്കാരനായി ഉണ്ടായിരുന്ന പൈലറ്റ് ക്രൂവിന്റെ രക്ഷയ്ക്കായി എത്തുകയായിരുന്നു. മറ്റൊരു എയര്ലൈന്റെ പൈലറ്റും ഈ വിമാനത്തിലെ യാത്രക്കാരിയുമായിരുന്ന ആള് പൈലറ്റ് ഫ്ളൈറ്റ് ഡെക്കിലേക്ക് കയറുകയും റേഡിയോ കമ്യൂണിക്കേഷന് ഏറ്റെടുക്കുകയുമായിരുന്നു. സൗത്ത് വെസ്റ്റിന്റെ രണ്ടാമത്തെ പൈലറ്റ് നിയന്ത്രണം ഏറ്റെടുക്കുകയും ലാസ്വേഗാസിലേക്ക് തിരിച്ചു പോകുകയും ചെയ്തു.
വിമാനത്തിലെ ക്യാപ്റ്റന് യാത്രയ്ക്കിടയില് വയറുവേദന തോന്നുകയും പെട്ടെന്ന് കുഴഞ്ഞുവീഴുകയുമായിരുന്നു. എല്ലാം അഞ്ചുമിനിറ്റിനുള്ളില് സംഭവിച്ചെന്നാണ് ക്യാബിന് ക്രൂ പറഞ്ഞതായി റേഡിയോ ട്രാഫിസ് ആര്കൈവ് ലൈവ് എടിസി പുറത്തുവിട്ട വിവരം. തക്കസമയത്ത് സഹായവുമായി എത്തിയ മറ്റൊരു എയര്ലൈന്റെ ഓഫ് ഡ്യൂട്ടി പൈലറ്റിന് സൗത്ത്വെസ്റ്റ് എയര്ലൈന്സ് നന്ദി പറഞ്ഞു.
