സംവിധായകന് വെട്രിമാരന് ജാതി വിവേചനത്തിനെതിരെയും അതിക്രമങ്ങള്ക്കെതിരെയും മുഖം നോക്കാതെ പ്രതികരിക്കുന്ന വ്യക്തിയാണ്. അദ്ദേഹത്തിന്റെ സിനിമകളിലും അത് പ്രതിഫലിക്കാറുണ്ട്. ചെന്നൈ തിയേറ്ററിലെ ജാതി അധിക്ഷേപമാണ് കുറച്ച് ദിവസങ്ങളായുള്ള സമൂഹ മാധ്യമങ്ങളിലെ ചര്ച്ചാവിഷയം. ഇപ്പോളിതാ ആ സംഭവത്തില് തന്റെ പ്രതികരണം അറിയിച്ചിരിക്കുകയാമ് വെട്രിമാരന്. 100 വര്ഷം മുമ്പ് തൂത്തെറിഞ്ഞ തൊട്ടുകൂടായ്മ ഇന്നും പിന്തുടരുന്നത് അപകടകരമായ വിഷയമാണ് എന്നാണ് വെട്രിമാരന് പറഞ്ഞത്.
'100 വര്ഷം മുമ്പ് തിയേറ്ററുകള് തൊട്ടുകൂടായ്മ നിര്ത്തലാക്കിയിരുന്നു. ജാതിയുടെ പേരില് അവരെ തിയേറ്ററിനകത്ത് പ്രവേശിപ്പിക്കില്ല എന്ന് പറയുന്നത് അപകടകരമായ പ്രവണതയാണ്. സോഷ്യല് മീഡിയയില് സംഭവം പ്രചരിച്ചതിന് പിന്നാലെ ആ കുടുംബത്തെ സിനിമ കാണാന് കയറ്റിയത് കൊണ്ട് പ്രശ്നം അവസാനിക്കുന്നില്ല. ഇത് അംഗീകരിക്കാനാകുന്നതല്ല', വെട്രിമാരന് ഫേസ്ബുക്കില് കുറിച്ചു.
ചെന്നൈയിലെ രോഹിണി തിയേറ്റിലെത്തിയ 'നരികുറവ' വിഭാഗത്തിലുള്ള ആളുകളോട് മോശമായി പെരുമാറിയ ഉടമസ്ഥര്ക്കെതിരെ സമൂഹ മാധ്യമങ്ങലില് പ്രതിഷേധ കടലിരമ്പുകയാണ്. ഈ സംഭവത്തില് പ്രതികരിച്ച് നടന് വിജയ് സേതുപതി, കമല് ഹാസന് തുടങ്ങി നിരവധി താരങ്ങള് രംഗത്തെത്തിയിരുന്നു.
