തിരുവനന്തപുരം: സാമ്പത്തിക തട്ടിപ്പുകേസില് പിടിയിലായ ഭര്ത്താവിനെ കോടതിയില് വച്ച് മര്ദ്ദിച്ച് ഭാര്യ. കാട്ടാക്കട ഫസ്റ്റ് ക്ലാസ് മജിസ്ട്രേറ്റ് കോടതിയിലാണ് സംഭവം. സാമ്പത്തിക തട്ടിപ്പുകേസുമായി ബന്ധപ്പെട്ട് ഭര്ത്താവും കൂട്ടുപ്രതിയായ സ്ത്രീയും കോടതിയില് എത്തിയിരുന്നു. പ്രതികളായ ഇരുവതെയും ഒരുമിച്ചു കണ്ടതോടെ ഭാര്യ പ്രകോപിതയായുകയായിരുന്നു. തുടര്ന്ന് കോടതി ഒഫീസ് മുറിയില് കയറി ഭര്ത്താവിനെ തല്ലുകയായിരുന്നു.
ശനിയാഴ്ച കേസിന്റെ കോടതി നടപടികള് ആരംഭിച്ച് മിനുറ്റുകള്ക്കകമായിരുന്നു സംഭവം. ഇതേ തുടര്ന്ന് കോടതി നടപടികള് തടസ്സപ്പെട്ടു.
സംഭവത്തില് മജിസ്ട്രേറ്റിന്റെ നിര്ദ്ദേശപ്രകാരം ഉടന് തന്നെ ഇരുവരെയും പോലീസ് കസ്റ്റഡിയില് എടുത്ത് സ്റ്റേഷനില് എത്തിച്ചു. കല്ലയം സ്വദേശിയാണ് ഭാര്യ. ഭര്ത്താവ് കുടപ്പനക്കുന്ന സ്വദേശിയും.
