ന്യുഡല്ഹി: ട്രെയിനില് തീവയ്പ് നടത്തിയ കേസില് അറസ്റ്റിലായ പ്രതി ഷഹറൂഖ് സെയ്ഫിയെ കേന്ദ്ര ഏജന്സികള് ചോദ്യം ചെയ്തുവരികയാണ്. സെയ്ഫി 'മെന്റലി ഫിറ്റാണെന്നും' 'കേരളത്തിലെത്തി ട്രെയിനില് തീയിടാന് ആവശ്യപ്പെട്ടുവെന്ന്' പ്രതി മൊഴി നല്കിയതായും ഏജന്സികളെ ഉദ്ധരിച്ച് ചില ദേശീയ മാധ്യമങ്ങള് റിപ്പോര്ട്ട് ചെയ്യുന്നു. എന്നാല് ഇതില് ഔദ്യോഗിക സ്ഥിരീകരണമില്ല.
രത്നഗിരിയിലെ സിവില് ആശുപത്രിയില് നിന്ന് രക്ഷപ്പെട്ട പ്രതിയെ രത്നഗിരി റെയില്വേ സ്റ്റേഷനില് നിന്നാണ് പിടികൂടിയത്. രത്നഗിരിയില് നിന്ന് ട്രെയിന് മാര്ഗം അജ്മീറിലേക്ക് കടക്കാനായിരുന്നു ലക്ഷ്യമെന്ന് ഇയാള് മൊഴി നല്കിയിട്ടുണ്ട്
ഇന്നലെ രാത്രിയാണ് ഇയാളെ കേന്ദ്ര ഏജന്സികളും മഹാരാഷ്ട്ര എടിഎസും റെയില്വേ പോലീസും ചേര്ന്ന് പിടികൂടുന്നത്. ഇയാളെ ഏറ്റെടുക്കുന്നതിനായി കേരള പോലീസ് രത്നഗിരിയില് എത്തി. കേന്ദ്ര ഏജന്സികളുടെ പ്രാഥമിക ചോദ്യം ചെയ്യലിനു ശേഷം കോടതിയില് ഹാജരാക്കി ട്രാന്സിറ്റ് വാറന്റ് വാങ്ങിവേണം ഇയാളെ കേരളത്തിലേക്ക് കൊണ്ടുവരാന്. ഇന്നു തന്നെ കേരളത്തിലേക്ക് കൊണ്ടുവരുമെന്നാണ് സൂചന.
