മരട് : മരട് ഫ്ളാറ്റ് പൊളിക്കലില് കായലില് വീണ മാലിന്യത്തെ കുറിച്ച് പരാമാര്ശിക്കാതെ ഹരിത ട്രിബ്യൂണലില് റിപ്പോര്ട്ട് സമര്പ്പിച്ചു ചീഫ് എന്വയോണ്മെന്റല് എന്ജിനീര്. ഫ്ളാറ്റ് പൊളിച്ചതു മൂലമുളള മാലിന്യം പൂര്ണ്ണമായി മാറ്റി എന്നാണ് വാദം .
പ്രത്യേക സംഭവമായതിനാല് മാലിന്യ ഉത്പ്പദാനം രണ്ട് ദിവസം മാത്രമാണ്. ഫ്ളാറ്റ് പൊളിക്കലുമായി ബന്ധപ്പെട്ടുണ്ടായ മാലിന്യത്തിന്റെ അളവ് കണക്കാക്കാനികില്ല. പൊളിക്കുന്നതിനിടയില് ഉല്പ്പാദിപ്പിച്ച മൊത്തം അവശിഷ്ടങ്ങളുടെ അളവ് 69,600 ടണ് ആണ്.
സേവന ദാതാവ് പൂര്ണ്ണമായും ഈ മാലിന്യങ്ങളെല്ലാം സംസ്കരിച്ചു. ഫ്ളാറ്റ് പൊളിക്കല് മൂലം പരിസ്ഥിതിക്കുണ്ടായ വിനാശത്തിനുളള നഷ്ടപരിഹാരം നിലവുളള സൂത്രവാക്യം അനുസരിച്ച് പൂജ്യമാണെന്നും ചീഫ് എന്വയോണ്മെന്റില് എന്ജിനീയറുടെ റിപ്പോര്ട്ടില് പറയുന്നു.
മാലിന്യങ്ങള് നീക്കം ചെയ്യുന്നതായി ബന്ധപ്പെട്ട് ഹരിത ട്രിബ്യൂണല് മാധ്യമ വാര്ത്തകളുടെ അടിസ്ഥാനത്തില് സ്വമേധയാ കേസെടുത്തത്. ഈ കേസിന്റെ ഭാഗമായിട്ടാണ് ചീഫ് എന്വയോണ്മെന്റല് എന്ജിനീയറുടെ റിപ്പോര്ട്ട്.
തീരദേശ നിയമം ലംഘിച്ച് നിര്മ്മാണം നടത്തിയതിന്റെ പേരില് 2020 ജനുവരിയിലാണ് ജെയ്ന് കോറല് കോവ്, ഗോള്ഡന് കായലോരം, ആല്ഫ വെഞ്ചേഴ്സ്, ഹോളി ഫെയ്ത്ത് എന്നീ ഫ്ളാറ്റുകള് പൊളിച്ച് നീക്കിയത്. ജസ്റ്റിസ് അരുണ് മിശ്ര അധ്യക്ഷനായ ബെഞ്ചിന്റെ ഉത്തരവ് പ്രകാരം 2020 ജനുവരി 11,12 തിയതികളിലാണ് മരടിലെ 4 ഫ്ളാറ്റ് സമുച്ചയങ്ങള് പൊളിച്ച് നീക്കിയത്.
