തൊടുപുഴ: ഇടുക്കിയിലെ ലോ റേഞ്ചില് ഉള്പ്പെടുന്ന സി.പി.എം. ഏരിയാ കമ്മിറ്റി അംഗവും ഡി.െവെ.എഫ്.ഐ. ബ്ലോക്ക് സെക്രട്ടറിയുമായ യുവാവിനെതിരേ ഗുരുതര ആരോപണങ്ങളുമായി യുവതിയുടെ ആത്മഹത്യാക്കുറിപ്പ്. ഏതാനും ദിവസം മുമ്പാണ് യുവ നേതാവിന്റെ പേര് പരാമര്ശിച്ച് യുവതി സ്വന്തം ഫെയ്സ്ബുക്ക് അക്കൗണ്ടില് ആത്മഹത്യാക്കുറിപ്പ് പോസ്റ്റ് ചെയ്തത്. വെള്ളക്കടലാസില് പേന ഉപയോഗിച്ച് എഴുതിയ കുറിപ്പിന്റെ കോപ്പിയാണ് ഫെയ്സ്ബുക്കില് പോസ്റ്റ് ചെയ്തത്.
കുറിപ്പിലെ പരാമര്ശങ്ങള് ഇങ്ങനെ: ''തന്നെ വിവാഹ വാഗ്ദാനം നല്കി െലെംഗികമായി ഉപയോഗിച്ചു. നേതാവെന്ന നിലയില് പറയുന്ന ആദര്ശത്തിനു യാതൊരു വിലയും കല്പ്പിക്കാത്തയാളാണ് യുവാവ്. യുവാവ് കാരണം താന് സമൂഹത്തിന് മുമ്പില് മോശക്കാരിയായി. തന്നെ സ്നേഹം നടിച്ച് വഞ്ചിക്കുകയാണ് ചെയ്തത്. ഈ കത്ത് പുറത്ത് വരുമ്പോള് താന് ജീവനോടെ കാണില്ല. തന്റെ മരണത്തിന് ഉത്തരവാദി യുവനേതാവാണ്.''
സി.പി.എമ്മിന്റെയും ഡി.െവെ.എഫ്.ഐയുടേയും നേതാക്കന്മാരെയും സജീവ പ്രവര്ത്തരെയും മാത്രം ടാഗ് ചെയ്താണ് എഫ്.ബി പോസ്റ്റ്. എന്നാല് ഇതില് ചിലര് കത്തിന്റെ സ്ക്രീന് ഷോട്ട് യുവതിയുടെ ഫെയ്സ്ബുക്ക് ഐ.ഡിയടക്കം നവമാധ്യമങ്ങളില് വ്യാപകമായി പ്രചരിപ്പിച്ചു. ഇതോടെ പാര്ട്ടി നേതാക്കള് ഇടപെട്ട് യുവതിയെ പാര്ട്ടി ഓഫീസില് വിളിച്ചുവരുത്തി ചര്ച്ച ചെയ്ത് പ്രശ്നം ഒതുക്കിയെന്നാണു സൂചന.
വിവാദത്തെത്തുടര്ന്ന് യുവാവ് സംഘടനയിലെ എല്ലാ സ്ഥാനങ്ങളില്നിന്ന് ഒഴിവാകുന്നതായി കാണിച്ച് നേതൃത്വത്തിന് കത്ത് നല്കി. ശക്തമായ നടപടിക്ക് ജില്ലാ തല നേതാക്കള് ഉള്പ്പെടെയുള്ളവര് നിര്ദേശം നല്കിയിരുന്നതായും സൂചനയുണ്ട്. വിഷയം പാര്ട്ടി ഓഫീസില് വിളിച്ച് ചര്ച്ച ചെയ്തിതിട്ടുണ്ടെന്നും തല്ക്കാലം മാധ്യമങ്ങളോടു പ്രതികരിക്കാനില്ലെന്നും യുവതി പറഞ്ഞു.
