ലോകം മുഴുവന് ചാര്ട്ടേഡ് ഫ്ളൈറ്റുകളിലും സ്വകാര്യ വിമാനങ്ങളിലും യാത്ര ചെയ്യുന്നവര് ഏറെയാണ്. എന്നാല് ഒരു പടുകൂറ്റന് യാത്രാവിമാനത്തില് തനിച്ചു യാത്രചെയ്യേണ്ട അവസ്ഥ തീര്ച്ചയായും വിസ്മയകരമായിരിക്കും. അത്തരം ഒരു സംഭവത്തില് ആകെ ഞെട്ടിയിരിക്കുകയാണ് യു.കെ. ക്കാരനായ പോള് വില്ക്കിന്സണ്. അടുത്തിടെ പുള്ളി നോര്ത്തേണ് അയര്ലന്റില് നിന്നും പോര്ച്ചുഗലിലേക്ക് യാത്രാവിമാനത്തില് പോയത് തനിച്ചായിരുന്നു.
പോര്ച്ചുഗലിലുള്ള കുടുംബത്തെ കാണാനുള്ള യാത്രയായിരുന്നു 60 കാരന് അവിസ്മരണീയമായ യാത്രയായി മാറിയത്. താന് പോകുന്ന ജെറ്റ് 2 ഫ്ളൈറ്റിനുള്ള യാത്രക്കാരെയൊന്നും എയര്പോര്ട്ട് ഗേറ്റില് കാണാതിരുന്നപ്പോള് തന്നെ ഇയാള്ക്ക് ആശങ്ക മണത്തിരുന്നു. താന് പോകുന്ന വിമാനത്തില് പോകാന് ആരേയും കാണാതെ വന്നപ്പോള് ഇനി വിമാനം യാത്ര മാറ്റിവെച്ചോ അതോ ഫ്ളൈറ്റ് ക്യാന്സലായോ എന്നെല്ലാമുള്ള അനേകം ആശങ്കയോടെയാണ് ഇയാള് പോയത്.
എന്നാല് ചോദിച്ചപ്പോള് അതേ വിമാനത്തിലെ ഏക യാത്രക്കാരനാണ് ഇയാളെന്ന് മറുപടി കിട്ടി. അതുകൊണ്ട് വിഐപി അതിഥിയായുള്ള പരിഗണനയാണ് കിട്ടിയതും. പരിശോധനയ്ക്ക് പോയ പാസ്പോര്ട്ട് തിരിച്ചുവാങ്ങാന് കാത്തു നില്ക്കുമ്പോള് ഉദേ്യാഗസ്ഥര് ഇന്ന് നിങ്ങള് വിഐപി ആണെന്നും നിങ്ങളുടെ സ്വന്തം പറക്കാലാണ് ഇതെന്നും ഉദ്യോഗസ്ഥര് പറഞ്ഞു. ആദ്യം കേട്ടപ്പോള് അവര് പരിഹസിക്കുകയാണെന്നും താന് നേരത്തേയാണോ താമസിച്ചാണോ എന്നെല്ലാം ആശങ്ക തോന്നി.
എന്റെ വിമാനം ക്യാന്സല് ചെയ്യാന് പോകുന്നു എന്ന് അവര് പറയാന് പോകുകയാണോ എന്നു വരെ ആലോചിച്ചു. എന്നാല് വിമാനത്തിലേക്ക് കയറിയപ്പോള് കിംഗ് പോള് എന്നായിരുന്നു വിമാനജോലിക്കാരുടെ പ്രതികരണം. ഇത് നിങ്ങളുടെ സ്വന്തം സ്വകാര്യ ജറ്റാണെന്ന് പ്രൊജക്ട് മാനേജരും പറഞ്ഞു. ബല്ഫാസ്റ്റിലേക്ക് വിമാനം ഉയരും മുമ്പ് അയാള് സ്വന്തം സീറ്റിലെത്തി പിന്നീട് യാത്രയിലുടനീളം ക്യാപ്റ്റനുമായി സംസാരിച്ചു. ഒരു സ്വകാര്യ ജെറ്റിലെ യാത്രപോലെയിരുന്നു അത്.
അതേസമയം ഈ മേഖലയിലേക്ക് ഒരു സ്വകാര്യജെറ്റില് പോകണമെങ്കില് 28,000 യുറോ വേണം (ഏകദേശം 25 ലക്ഷം). പക്ഷേ വില്ക്കിന്സണിന് ഈ യാത്രയ്ക്ക് ആകെ ചെലവാക്കേണ്ടി വന്നത് വെറും 162 ഡോളറാണ് (ഏകദേശം 13,000 രൂപ). ഇതിനൊപ്പം പാസ്പോര്ക്ക കണ്ട്രോളിന് ക്യൂ നില്ക്കുകയോ യാത്രയ്ക്ക് ശേഷം ബാഗുകളുടെ കാര്യത്തില് തര്ക്കം പിടിക്കുകയോ ചെയ്യേണ്ടി വന്നില്ല.
