ഖാര്ത്തും: സൈന്യവും അര്ദ്ധ സൈനിക വിഭാഗവും തമ്മില് രൂക്ഷമായ ഏറ്റമുട്ടല് നടക്കുന്ന സുഡാനില് വെടിനിര്ത്തല് പ്രഖ്യാപിച്ചു. വെടി നിര്ത്തല് പ്രാഖ്യാപിച്ചത് അര്ധസൈനിക വിഭാഗം 'റാപ്പിഡ് സപ്പോര്ട്ട് ഫോഴ്സസ് ആയിരുന്നു. പെരുന്നാള് ദിവസം പ്രമാണിച്ചാണ് 72 മണിക്കൂറാണ് വെടി നിര്ത്തല്. റമദാന് കണക്കിലെടുത്താണ് തീരുമാനം. യുഎന്, യുഎസസും, മറ്റ് രാജ്യങ്ങളും ഈദുല് ഫിത്വര് പ്രമാണിച്ച് മൂന്ന് ദിവസത്തെ വെടിനിര്ത്തലിന് സമ്മര്ദം ചെലത്തുകയാണ്.
അതേ സമയം സൈന്യത്തില് നിന്ന് പ്രതികരണമൊന്നും ഉണ്ടായിട്ടില്ല. റമദാനിനോടനുബന്ധിച്ച് വെളളിയാഴ്ച രാവിലെ ആറ് മുതലാണ് വെടിനിര്ത്തല് നിലവില് വരികയെന്ന് ആര്എസ്എഫ് അറിയിച്ചു. സുഡാനില് നേരത്തെ രണ്ട് തവണ വെടിനിര്ത്തല് പ്രഖ്യാപിച്ചെങ്കിലും നടപ്പിലായിരുന്നില്ല. ആര്എസഎഫുമായുളള ചര്ച്ചയുടെ സാധ്യത സൈന്യത്തിന്റെ തലവന് ജനറല് അബ്ദുള് ഫത്താഹ് അല് ബുര്ഹാന് നേരത്തെ തളളുകയും ചെയ്തു.
ഏപ്രില് 13 നാണ് സുഡാന് തലസ്ഥാനമായ ഖാര്ത്തൂമില് സൈന്യവും അര്ദ്ധ സൈനിക വിഭാഗവും തമ്മില് രൂക്ഷമായ ഏറ്റമുട്ടല് ആരംഭിച്ചത്.
സൈനിക തലവൻ ജനറൽ അബ്ദുൽ ഫത്തഹ് അൽ ബുർഹാനും ഇദ്ദേഹത്തിന്റെ വിശ്വസ്തനായിരുന്ന അർധ സൈനിക വിഭാഗം തലവൻ ലഫ്റ്റനന്റ് ജനറൽ മുഹമ്മദ് ഹംദാനും തമ്മിലെ ഭിന്നതയാണ് ചോര ചീന്തിയ ആഭ്യന്തര സംഘർഷങ്ങൾക്ക് കാരണം. മൂന്നു ലക്ഷം പേരുടെ ജീവനെടുത്ത ദാർഫർ യുദ്ധത്തിന്റെ സൂത്രധാരനാണ് ജനറൽ അബ്ദുൽ ഫത്തഹ് അൽ ബുർഹാൻ.
ഒട്ടേറെ യുദ്ധ കുറ്റകൃത്യങ്ങളിൽ ലഫ്റ്റനന്റ് ജനറൽ മുഹമ്മദ് ഹംദാനും ആരോപണ വിധേയനാണ്. മുപ്പതു വർഷമായി അധികാരത്തിലിരുന്ന പ്രസിഡന്റ് ഒമർ അൽ ബഷീർ 2019 ൽ ജനകീയ പ്രതിഷേധത്തിൽ പുറത്തായിരുന്നു. തുടർന്ന് ജനകീയ സർക്കാർ രൂപീകരിക്കാൻ സൈന്യവും പ്രതിപക്ഷ പാർട്ടികളും ധാരണയിൽ എത്തി. എന്നാൽ സമയമെടുത്തപ്പോൾ സൈന്യം അധികാരം കവരുകയും ചെയ്തു. ആർഎസ്എഫിനെ സൈന്യത്തിൽ ലയിപ്പിക്കാനെടുത്ത തീരുമാനമാണ് ഇപ്പോഴത്തെ സംഘർഷങ്ങൾക്ക് കാരണം.
സംഘർഷത്തിനിടെ കഴിഞ്ഞ ദിവസം ഒരു മലയാളി കൊല്ലപ്പെട്ടിരുന്നു. കണ്ണൂർ ആലക്കോട് നെല്ലിപ്പാറ സ്വദേശി ആല്ബര്ട്ട് അഗസ്റ്റിനാണ് കൊല്ലപ്പെട്ടത്. ദാല് ഗ്രൂപ്പ് ഓഫ് കമ്പനി ജീവനക്കാരനാണ് ആല്ബര്ട്ട് അഗസ്റ്റിന്. 48 വയസായിരുന്നു. സുഡാൻ അതിർത്തി 14 ദിവസം അടച്ച സാഹചര്യത്തില് ആല്ബര്ട്ടിന്റെ മൃതദേഹം നാട്ടിലെത്തിക്കുന്നത് വൈകിയേക്കും എന്നാണ് വിവരം. മൃതദേഹം ഖർത്തൂമിലെ ആശുപത്രിയിലാണ് സൂക്ഷിച്ചിരിക്കുന്നത്. ആൽബർട്ടിന്റെ ഭാര്യയും മകളും ഇവർ താമസിച്ചിരുന്ന ഫ്ലാറ്റ് കെട്ടിടത്തിന്റെ ബേസ്മെന്റിലാണ് കഴിയുന്നത്.
