കിം കര്ദാഷിയാന്റെ അസാധാരണ സാമ്യമുള്ള ക്രിസ്റ്റീന ആഷ്ടണ് ഗൗര്കനി മരണപ്പെട്ടു. 34 വയസ്സുള്ള ഫാന്സ് മോഡല് എന്നറിയപ്പെട്ടിരുന്ന താരം പ്ലാസ്റ്റിക് സര്ജറിയെ തുടര്ന്ന് ഉണ്ടായ ഹൃദയാഘാതത്തിലായിരുന്നു മരണമടഞ്ഞതെന്ന് കുടുംബം പറയുന്നു. ഏപ്രില് 20 നായിരുന്നു മരണം സംഭവിച്ചതെന്ന് ഗൗര്കനിയുടെ കുടുംബം ഗോ ഫണ്ട് മീ എന്ന പോസ്റ്റില് പറയുന്നു.
സാമൂഹ്യമാധ്യമ താരത്തിന്റെ മരണാനന്തര ചടങ്ങുകള്ക്കായുള്ള ചെലവ് കണ്ടെത്തുന്നതിനാണ് ഗോഫണ്ട് മീ യുമായി കുടുംബം എത്തിയിട്ടുള്ളത്. ബുധനാഴ്ച വരെ ഇതില് 4000 ഡോളര് നിറഞ്ഞുകഴിഞ്ഞു. കഴിഞ്ഞ ചൊവ്വാഴ്ച പുലര്ച്ചെ തങ്ങള്ക്ക് ഇക്കാര്യത്തില് ഫോണ്കോള് വരികയായിരുന്നു എന്നാണ് കുടുംബം പറഞ്ഞിരിക്കുന്നത്. ഇന്സ്റ്റാഗ്രാമില് 620,000 ഫോളോവേഴ്സ് ഉള്ള താരമാണ് ക്രിസ്റ്റീന ആഷ്ടണ്.
സൗന്ദര്യം വര്ദ്ധിപ്പിക്കാന് വേണ്ടിയുള്ള അനേകം സര്ജറികള്ക്ക് വിധേയയായ താരമാണ് ഗൗര്കനി. എല്ലാം ഗൗര്കനിയുടെ അറിവോടെ അപകടകരമായ സാഹചര്യത്തില് ഉള്ളതായിരുന്നു. എന്തുതരം ശസ്തക്രിയയാണ് ഇവരുടെ മരണത്തിലേക്ക് നയിച്ചതെന്ന് വ്യക്തമായിട്ടില്ല. സാമൂഹ്യമാധ്യമങ്ങളില് അനേകരാണ് ക്രിസ്റ്റീനയ്ക്ക് ആദരാഞ്ജലി അര്പ്പിക്കാന് എത്തിക്കൊണ്ടിരിക്കുന്നത്.
