ചെണ്ട, തല്ലുകൊള്ളി, എത്ര റണ്മല ഉയര്ത്തിയാലും ജയിക്കാന് കഴിയാത്തവര്. തുടങ്ങി ആദ്യകാലം മുതല് ഐപിഎല് ടീം റോയല് ചലഞ്ചേഴ്സ് ബാംഗ്ളൂരിന് പരിഹാസം പുതിയതല്ല. ഏറ്റവും മികച്ച കളിക്കാരെ മുഴുവന് ലേലത്തില് എടുത്താലും ഒരിക്കലും കപ്പുയര്ത്താന് കഴിയാത്ത ടീം എന്നാണ് ചീത്തപ്പേര്. എന്നാല് അവരുടെ മൂന് നായകന് വിരാട് കോഹ്ലി നേട്ടുമുണ്ടാക്കുന്നുണ്ട്.
ഈ സീസണില് തുടര്ച്ചയായി തോറ്റ ശേഷം വിജയവഴിയില് തിരിച്ചെത്തിയ അവര് കഴിഞ്ഞ മത്സരത്തില് കൊല്ക്കത്ത നൈറ്റ് റൈഡേഴ്സിനോട് തോറ്റത് 21 റണ്സിനായിരുന്നു. മികച്ച നായകന്മാരേയും കളിക്കാരെയുമെല്ലാം ടീമില് എടുത്തിട്ടും റോയല് ചലഞ്ചേഴ്സ് ബാംഗ്ളൂരിന്റെ കാര്യത്തില് മാറ്റമില്ല. അതേസമയം തോല്വിയിലും ടീമിന്റെ താല്ക്കാലിക നായകനായി നിയോഗിക്കപ്പെട്ട വിരാട്കോഹ്ലി നേട്ടമുണ്ടാക്കി. ഐപിഎല്ലില് ആര്ക്കും ഇല്ലാത്ത ഒരു റെക്കോഡ് താരം നേടി.
കൊല്ക്കത്തയ്ക്ക് എതിരേ 37 പന്തുകളില് 54 റണ്സായിരുന്നു താരം അടിച്ചത്. ആറ് ബൗണ്ടറികളും പായിച്ചു. ഈ അര്ദ്ധശതകത്തോടെ ഒരേവേദിയില് ഒരേ ടീമിനായി 3000 റണ്സ് തികച്ച ആദ്യ താരമായിട്ടാണ് കോഹ്ലി മാറിയത്. ബംഗലുരു ചിന്നസ്വാമി സ്റ്റേഡിയത്തിലായിരുന്നു താരത്തിന്റെ നേട്ടം. ഐപിഎല് തുടങ്ങിയ കാലം മുതല് ഒരു ടീമിനായി മാത്രം കളിക്കുന്ന വിരാട്കോഹ്ലി ആര്സിബിയുടെ നായകനും കളിക്കാരനുമൊക്കെയായി ഇരുന്നിട്ടുണ്ട്. ഐപിഎല്ലിന് പുറമേ ഇന്ത്യന് ടീമിന്റെ ടിട്വന്റിയിലെ റണ്സ് കൂടി കണക്കിലെടുത്താണ് താരം 3000 റണ്സ് തികച്ചത്.
ഒരേവേദിയില് ഏറ്റവും കൂടുതല് റണ്സ് നേടിയ കാര്യത്തില് കോഹ്ലിയുടെ തൊട്ടുപിന്നിലുള്ളത് ബംഗ്ളാദേശ് നായകന് മുഷ്ഫിക്കര് റഹീമാണ്. മിര്പൂരിലെ മാത്രം സ്റ്റേഡിയത്തില് 2989 റണ്സാണ് മുഷ്ഫിക്കര് നേടിയിട്ടുള്ളത്. ടീംമേറ്റും ബംഗ്ളാദേശ് ഓള്റൗണ്ടറുമായ മഹ്മൂദുള്ള മൂന്നാമതുണ്ട്. 2813 റണ്സ് മിര്പൂരില് താരംനേടിയിട്ടുണ്ട്. നോട്ടിങാമിലെ ട്രെന്റ് ബ്രിഡ്ജില് 2749 റണ്സ് പേരിലുള്ള ഇംഗ്ളീഷ് താരം അലക്സ് ഹേല്സാണ് നാലാം സ്ഥാനത്ത് നില്ക്കുന്ന കളിക്കാരന്.
