‘കേരളാസ്റ്റോറി’ എന്ന സിനിമ ആക്രമിക്കപ്പെടുന്നതായി ആര്ക്കെങ്കിലും തോന്നുന്നുണ്ടെങ്കില് അവരെല്ലാം ഭീകരവാദികളാണെന്ന് ബോളിവുഡ് നടി കൊങ്കണ റാണത്ത്. ട്രെയിലര് പുറത്തു വന്നപ്പോള് തന്നെ വന് വിവാദം ഉണ്ടാക്കിയ കേരളാസ്റ്റോറിയുമായി ബന്ധപ്പെട്ട് രാഷ്ട്രീയ സാംസ്ക്കാരിക രംഗത്തെ അനേകരാണ് പ്രതികരണവുമായി എത്തിയത്. ഇവരില് ഏറ്റവും ഒടുവിലത്തെയാളാണ് കങ്കണ.
''ഞാന് ഈ സിനിമ ഇതുവരെ കണ്ടിട്ടില്ല. പക്ഷേ സിനിമ നിരോധിക്കാനുള്ള അനേകം ശ്രമങ്ങള് ഉണ്ടായിട്ടുണ്ട്. സിനിമ നിരോധിക്കാനാകില്ലെന്ന് ഹൈക്കോടതി പറഞ്ഞതായിട്ടാണ് താന് ഇന്ന് വായിച്ചത്. സിനിമ ഐഎസിനെയല്ലാതെ ആരെയും മോശമായി കാണിക്കുന്നില്ല. രാജ്യത്തെ ഏറ്റവും ഉത്തരവാദിത്തപ്പെട്ട സ്ഥാപനമായ ഹൈക്കോടതിയാണ് ഇത് പറയുന്നതെങ്കില് അവര് പറയുന്നത് ശരിയാണ്. ഐസിസ് ഒരു ഭീകര സംഘടനയാണ്. അവരെ തീവ്രവാദികള് എന്ന് ഞാന് വിളിക്കുന്നത് പോലെയല്ല, നമ്മുടെ രാജ്യവും ആഭ്യന്തര മന്ത്രാലയവും (ആഭ്യന്തര മന്ത്രാലയം) മറ്റ് രാജ്യങ്ങളും അവരെ അങ്ങനെയാണ് വിളിക്കുന്നത്.'' കൊങ്കണ പറയുന്നു.
ഐഎസ്ഐഎസ് ഭീകരസംഘടനയാണെന്ന് പ്രഖ്യാപിക്കപ്പെട്ടിട്ടും അവ അങ്ങിനെയല്ല എന്നാണ് നിങ്ങള് ചിന്തിക്കുന്നതെങ്കില് നിങ്ങളും ഒരു ഭീകരനാണെന്ന് പറയേണ്ടി വരും. ഇത് ആക്രമിക്കുന്നത് ഐഎസിനെയല്ല, തങ്ങളെയാണെന്ന് കരുതുന്ന ആളുകളെക്കുറിച്ചാണ് ഞാന് സംസാരിക്കുന്നത്. ഇത് നിങ്ങളെ ആക്രമിക്കുകയാണെന്ന് നിങ്ങള് കരുതുന്നുവെങ്കില് നിങ്ങള് ഒരു തീവ്രവാദിയാണ്.
അദാ ശര്മ്മ, യോഗിതാ ബിഹാനി, സിദ്ധി ഇഡ്നാനി, സോണിയാ ബലാനി എന്നിവര് പ്രധാന വേഷത്തില് എത്തിയ സിനിമ ട്രെയിലര് പുറത്തുവന്നത് മുതല് വന് വിവാദങ്ങളിലൂടെയാണ് കടന്നുപോകുന്നത്. അദാ ശര്മ്മ ഫാത്തിമാ ബാ എന്ന സ്ത്രീയുടെ വേഷമാണ് സിനിമയില് ചെയ്യുന്നത്. സുദീപ്തോസെന്നാണ് സിനിമ സംവിധാനം ചെയ്തിരിക്കുന്നത്.
