മോഷണങ്ങള് ഇന്ന് പതിവാണ്. കഴിഞ്ഞ ദിവസം പെറുവിലെ ഹുവാങ്കയോ നഗരത്തിലെ ഒരു ചെരുപ്പ് കടയില് ഒരു മോഷണം നടന്നു. ഹുവാങ്കയോ നഗരത്തിലെ ഷൂക്കടയില് രാത്രിയില് പൂട്ട് പൊളിച്ചാണ് മുഖം മൂടി ധരിച്ച മൂന്നംഗ സംഘം വളരെ വിചിത്രമായി നടത്തിയ ഒരു മോഷണമാണ് ഇത്. കാരണം, മോഷ്ടാക്കള് വലത് കാലിലെ ചെരുപ്പ് മാത്രമാണ് മോഷ്ടിച്ചത്. വാര്ത്തകള് ട്വിറ്ററില് പ്രചരിച്ചതോടെ രസകരമായ കുറിപ്പുകളുമായി ആളുകള് ഒത്തുകൂടി. 'പെറുവിലെ ഊമ കുറ്റവാളികള്' എന്ന ടാഗ് ലൈനിലായിരുന്നു കുറിപ്പുകളേറെയും.
മൂന്നംഗ സംഘം കടയില് കയറിയ ഉടന് തന്നെ അവരുടെ ട്രൈസൈക്കളില് കടയിലുണ്ടായിരുന്ന ഷൂവുകള് വാരി നിറച്ചു. എന്നാല് അതിനിടയില് സുരക്ഷാ അലാറം അടിച്ചതിനാല് മൂന്ന് പേരും വളരെ വേഗം തന്നെ കടയില് നിന്നും ഓടി രക്ഷപ്പെട്ടു. 200 ഓളം ജോഡികളുടെ ഷൂവാണ് മൂന്ന് പേരും കൂടി കൊണ്ട് പോയത്.
13,000 ഡോളറിന്റെ (ഏകദേശം 10 ലക്ഷം രൂപ) ഷൂസുകള് മോഷണം പോയതായി കട ഉടമ പോലീസിനെ അറിയിച്ചു. ഇത്രയും മൂല്യമുള്ള ഷൂസുകള് ഒന്നും തന്നെ കള്ളന്മാര്ക്ക് വില്ക്കാന് കഴിയില്ലെന്നതാണ് യാഥാര്ത്ഥ്യം. കാരണം മോഷ്ടിക്കുന്ന തിരക്കില് ജോഡി തിരിച്ച് ഷൂസുകള് എടുക്കാന് മോഷ്ടാക്കള് വിട്ട് പോയി. ഓരോന്നോരോന്നായി വലിച്ചിട്ടപ്പോള് ഇടത് കാലിന്റെ ഷൂ എടുക്കാന് അവര് വിട്ട് പോയതാകാം എന്ന് പോലീസ് പറഞ്ഞു. സിസിടിവി ദൃശ്യങ്ങളും വിരലടയാളവും ശേഖരിച്ചിട്ടുണ്ടെന്നും അന്വേഷണം ഊര്ജ്ജിതമാക്കിയെന്നും പെറുവിയന് പോലീസ് അറിയിച്ചു.
