നിരവധി സീരിയലുകളിലൂടെ കുടുംബപ്രേക്ഷകര്ക്ക് പ്രിയങ്കരിയായ നടി മൃദുല വിജയിയും നടന് യുവകൃഷ്ണയും വിവാഹിതരാകുന്നു. വിവാഹ നിശ്ചയും ഇന്ന് തിരുവനന്തപുരത്ത് വെച്ച് നടക്കും. 2015 മുതല് സീരിയല് അഭിനയത്തില് സജീവമായ മൃദുല തിരുവനന്തപുരം സ്വദേശിയാണ്.
മൃദുലയുടെ മാതാപിതാക്കള് വിജയ കുമാറും റാണിയുമാണ്. ഏക സഹോദരി പാര്വ്വതി. സംഗീത നൃത്ത അധ്യാപികയായ കൃഷ്ണവേണിയാണ് യുവയുടെ അമ്മ. ചേച്ചിമാര് നന്ദിനിയും നന്ദിതയും. മൃദുലയുടെയും യുവയുടെയും ഒരു പൊതു സുഹൃത്ത് വഴി വന്ന ആലോചന രണ്ട് കുടുംബക്കാരും ആലോചിച്ച് ഉറപ്പിക്കുകയായിരുന്നു. സോഷ്യല് മീഡിയയില് സജീവമായ താരം തന്റെ വിശേഷങ്ങളും ആഘോഷങ്ങളും ആരാധകരുമായി പങ്കുവെയ്ക്കാറുണ്ട്. അത്തരത്തില് മാതൃദിനത്തോടുനുബന്ധിച്ച് മൃദുല പങ്കുവെച്ച വീഡിയോയാണ് ആരാധകര് ഏറ്റെടുത്തിരിക്കുന്നത്.
മാതൃദിനത്തോട് അനുബന്ധിച്ച് അമ്മമാരെ സന്തോഷിപ്പിക്കാനും അവരുടെ നടക്കാതെ പോയ ആഗ്രഹങ്ങള് സഫലമാക്കി കൊടുക്കാനും മക്കളെല്ലാം ശ്രമിക്കുന്നുണ്ട്. അമ്മമാരുടെ ആഗ്രഹങ്ങളും താല്പര്യങ്ങളും നടത്തികൊടുക്കുന്നതിനേക്കാള് വലിയ സന്തോഷമില്ലല്ലോ. പലപ്പോഴായി അവര് പറഞ്ഞിട്ടുള്ള ആഗ്രഹങ്ങള് ഓര്ത്തുവെച്ചാണ് മക്കള് നടത്തികൊടുക്കുന്നത്. അത്തരത്തില് മൃദുല മാതൃദിനത്തോട് അനുബന്ധിച്ച് അമ്മയുടെ വര്ഷങ്ങളായുള്ള ഒരു ആഗ്രഹം സാധിച്ച് കൊടുത്തിരിക്കുകയാണ്.
അച്ഛന്റെ സമ്മതം കിട്ടാത്തതിനാല് അമ്മ ഈ ആഗ്രഹം മനസില് കൊണ്ട് നടക്കുകയായിരുന്നുവെന്നാണ് മാതൃദിനത്തോട് അനുബന്ധിച്ച് പങ്കുവെച്ച ഏറ്റവും പുതിയ വീഡിയോയില് മൃദുല പറയുന്നത്.പുതിയ വീഡിയോയിൽ അമ്മയുടെ ഏറ്റവും വലിയ ആഗ്രഹമായ മുക്കൂത്തി എന്നത് സഫലമാക്കി കൊടുത്തിരിക്കുകയാണ് മൃദുല.
സങ്കടവും കുറച്ച് സന്തോഷവും നിറഞ്ഞതാണ് വീഡിയോയെന്ന് പറഞ്ഞാണ് മൃദുല വ്ലോഗ് ആരംഭിക്കുന്നത്. തന്റെ അച്ഛന് മേക്കാത്, മൂക്കുത്തി പോലുള്ളവയോട് താൽപര്യമില്ലാത്തതിനാൽ മേക്കാത് പോലും താൻ കരഞ്ഞ് കാല് പിടിച്ച് സമ്മതം വാങ്ങിയാണ് കുത്തിയതെന്നാണ് മൃദുല പറയുന്നത്. മൂക്ക് കുത്താൻ അനുവാദം ചോദിച്ചപ്പോൾ തന്നെ കല്യാണം കഴിക്കാൻ വരുന്ന ചെക്കന് സമ്മതമാണെങ്കിൽ ചെയ്തോളാനാണ് പറഞ്ഞതെന്നും അങ്ങനെ എൻഗേജ്മെന്റിന് ശേഷമാണ് മൂക്ക് കുത്തിയതെന്നും വീഡിയോയിൽ മൃദുല പറഞ്ഞു. താനും സഹോദരിയും മൂക്ക് കുത്തിയെങ്കിലു അച്ഛന് ഇഷ്ടമല്ലാത്തതിനാൽ അമ്മ പെട്ട് പോയിയെന്നും മൃദുല പറയുന്നുണ്ട്. അച്ഛന് മൂക്ക് കുത്തുന്നത് ഇഷ്ടമല്ലാത്തത് കൊണ്ട് ഞങ്ങൾ രണ്ടുപേരും മൂക്ക് കുത്തിയെങ്കിലും അമ്മ പെട്ട് പോയി. വർഷങ്ങളായി അമ്മ ആഗ്രഹിക്കുന്നാതാണ് മൂക്കുത്താൻ. അമ്മയുടെ ആഗ്രഹം മനസിലാക്കി ഞങ്ങളെല്ലാവരും അച്ഛനോട് സംസാരിച്ച് അമ്മയ്ക്ക് മൂക്ക് കുത്താൻ സമ്മതം വാങ്ങിയിട്ടുണ്ട്. മൃദുല പറഞ്ഞു.
കുടുംബസമേതമാണ് അമ്മയുടെ ജീവിതാഭിലാഷം സഫലമാക്കാൻ മൃദുല പോയത്. ആദ്യം ഭർത്താവ് യുവയുടെ പൂവാറിലെ ഷൂട്ടിങ് ലൊക്കേഷനിൽ പോയി കണ്ടശേഷമാണ് എല്ലാവരും ചേർന്ന് അമ്മയേയും കൊണ്ട് ജ്വല്ലറിയിലേക്ക് പോയത്. യുവയുടെ ഷൂട്ടിങ് ലൊക്കേഷനിലേക്കുള്ള ബോട്ട് യാത്രയുടെ വിശേഷങ്ങളും വീഡിയോയിൽ മൃദുല കാണിച്ചിട്ടുണ്ട്.
