വൈറല് കാലത്ത് ബിജെപി നേതാവിന്റെ മകളുടെ വിവാഹ ക്ഷണക്കത്ത് സോഷ്യല് മീഡിയയില് ചര്ച്ചയാവുകയാണ്. ഉത്തരാഖണ്ഡിലെ പൗരി ഗര്വാള് മുനിസിപ്പല് പ്രസിഡന്റും മുന് എംഎല്എയുമായ യശ്പാല് ബെനത്തിന്റെ മകളുടെ വിവാഹ കാര്ഡാണ് സോഷ്യല് മീഡിയയില് വൈറലാകുന്നത്. യശ്പാല് ബെനത്തിന്റെ മകള് വിവാഹം ചെയ്യുന്നത് മുസ്ലീം യുവാവിനെയാണ്. ആ കാരണം കൊണ്ട് തന്നെയാണ് കത്ത് വൈറലായത്.
പാര്ട്ടി നേതാവിന്റെ മകള് ഒരു മുസ്ലീം യുവാവിനെ വിവാഹം കഴിക്കുന്നതില് ബിജെപി നേതാക്കള്ക്കിടയില് നിന്ന് വിമര്ശനം ഉയരുന്നുണ്ട്. കാര്ഡിന്റെ ഫോട്ടോ സോഷ്യല് മീഡിയയില് പ്രചരിക്കുകയാണ്. അതേസമയം ബിജെപിയുടെ ഇരട്ടത്താപ്പെന്ന് ചില ഹിന്ദുത്വവാദികള് ട്രോളുമ്പോള് മറ്റുള്ളവര് വിവാഹത്തെ 'ലവ് ജിഹാദ്' എന്ന് വിമര്ശിക്കുന്നുണ്ട്. വിവാദ സിനിമയായ ദി കേരള സ്റ്റോറിയുമായും ചിലര് ഈ കല്യാണത്തെ താരതമ്യപ്പെടുത്തി.
