തിരുവനന്തപുരം: പുതിയ അധ്യയന വര്ഷം തുടങ്ങാനിരിക്കെ ജൂണ് ഏഴ് മുതല് അനിശ്ചിതകാല ബസ് പണിമുടക്ക് നടത്താന് ബസ് ഉടമകള് തീരുമാനിച്ചു. വിദ്യാര്ത്ഥികളുടെ നിരക്ക് വര്ധിപ്പിക്കണമെന്നാണ് പ്രധാന ആവശ്യം. 12 ബസ് ഉടമസ്ഥ സംഘടനകളുടെ കോര്ഡിനേഷന് കമ്മിറ്റിയാണ് സമര പ്രഖ്യാപനം നടത്തിയിരിക്കുന്നത്.
വിദ്യാര്ത്ഥികളുടെ ബസ് ചാര്ജ് മിനിമം 5 രൂപയെങ്കിലും ആക്കി ഉയര്ത്തണമെന്നാണ് ഇവരുടെ പ്രധാന ആവശ്യം. നിലവില് സര്വീസ്' നടത്തുന്ന എല്ലാ സ്വകാര്യ ബസുകളുടേയും പെര്മിറ്റ് അതേപടി നിലനിര്ത്തണമെന്നും ലിമിറ്റഡ് സ്റ്റോപ് ബസുകള് തുടരാന് അനുവദിക്കണമെന്നും ബസ് ഉടമകള് ആവശ്യപ്പെടുന്നു.
ഇക്കഴിഞ്ഞ മാസം സ്വകാര്യ ബസ് സമരം സമരത്തില് ബസ് ഉടമകളെ ഗതാഗത മന്ത്രി പറഞ്ഞു പറ്റിച്ചുവെന്ന് സംഘടന ആരോപിച്ചിരുന്നു. കോവിഡ് കാലത്തെ വാഹന നികുതി ഒഴിവാക്കണമെന്ന വിദഗ്ധ സമിതി ശുപാര്ശയുണ്ടായിട്ടും നടപ്പിലാകാത്തതിലും സര്ക്കാരെ രൂക്ഷമായി സ്വകാര്യ ബസുടമകള് വിമള്ശിച്ചു.
