അമ്പത് വര്ഷം പഴക്കമുള്ള ഒരു വൈന് കുപ്പി ലേലം ചെയ്ത വാര്ത്തയാണ് ഇപ്പോള് പുറത്തുവരുന്നത്.
കാലിഫോര്ണിയയിലെ താമസക്കാരനായ മാര്ക്ക് പോള്സണ് എന്ന വ്യക്തി 1970 -കളില് ആണ് ഡൊമൈന് ഡി ലാ റൊമാനീ-കോണ്ടി ലാ ടാഷെയുടെ ഒരു കുപ്പി വൈന് ഇദ്ദേഹം സ്വന്തമാക്കിയത്. എന്നാല് ഈ കുപ്പി ഒരു കാര്ഡ്ബോര്ഡ് പെട്ടിക്കുള്ളിലാക്കി ഇയാള് വീടിന്റെ ബേസ്മെന്റില് ഒളിപ്പിച്ചു വച്ചു. ഇപ്പോള് പതിറ്റാണ്ടുകള്ക്ക് ശേഷം ഈ കുപ്പി കണ്ടെത്തിയിരിക്കുകയാണ്. വാങ്ങുന്ന സമയത്ത്, ഇന്നത്തെ കറന്സിയില് ഏകദേശം 20,000 രൂപയ്ക്ക് തുല്യമായ 250 ഡോളറിന് ആണ് പോള്സണ് കുപ്പി സ്വന്തമാക്കിയത്.
ഇന്ന് ഏകദേശം 1,889 ഡോളറാണ് കുപ്പിയുടെ വിപണി മൂല്യം. എന്നാല് ഇതിന്റെ കാലപ്പഴക്കവും അപൂര്വതയും നിമിത്തം കുപ്പി ലേലത്തില് വിറ്റു പോയത് 106250 -ലധികം ഡോളറിനാണ്. അതായത് 87,91,390 -ലധികം ഇന്ത്യന് രൂപ്.
ഡിആര്സി എന്ന് ചുരുക്കി വിളിക്കപ്പെടുന്ന ഡൊമൈന് ഡി ലാ റൊമാനീ-കോണ്ടി, എന്ന വൈന് ഫ്രാന്സിലെ ബര്ഗണ്ടിയിലുള്ള ഒരു എസ്റ്റേറ്റിലാണ് ഉദ്പാദിപ്പിക്കുന്നത്. ഡിആര്സി ലോകത്തിലെ ഏറ്റവും ചെലവേറിയതും ആഡംബരവുമായ വൈന് ബോട്ടിലുകള് ആണ് . ബോണ്ഹാംസ് സ്കിന്നര് ആണ് ലേലം സംഘടിപ്പിച്ചത്, തുടക്കത്തില് 50,000 ഡോളര് മുതല് 80,000 ഡോളര് വരെ വിലയില് വില്ക്കപ്പെടും എന്നായിരുന്നു കരുതിയിരുന്നതെങ്കിലും പ്രതീക്ഷകള് മറികടന്ന് ഒടുവില് 106,250 ഡോളറിന് ഇത് വില്ക്കപ്പെട്ടത്.
