പാര്ലമെന്റ് മന്ദിരത്തിലേക്ക് മാര്ച്ച് നടത്തിയ ഗുസ്തി താരങ്ങളോട് പോലീസ് സ്വീകരിച്ച നടപടിയില് വിമര്ശനമുയര്ത്തി ഒളിമ്പിക് സ്വര്ണ്ണ മെഡല് ജേതാവും അന്താരാഷ്ട്ര ഒളിമ്പിക് കമ്മിറ്റി അത്ലറ്റ്സ് കമ്മീഷന് അംഗവുമായ അഭിനവ് ബിന്ദ്ര. തന്നെ ഇന്ത്യന് താരങ്ങള് നിലത്തുകൂടി വലിച്ചിഴക്കപ്പെടുന്നതിന്റെ ഭീകരമായ ചിത്രങ്ങള് വേട്ടയാടുന്നു. കായിക സംഘടനകളിലുടനീളം സ്വതന്ത്രമായ സുരക്ഷാ നടപടികള് നടപ്പിലാക്കേണ്ട സമയമാണിതെന്നും അദ്ദേഹം ട്വീറ്റ് ചെയ്തു.
'കഴിഞ്ഞ രാത്രി എനിക്ക് ഉറങ്ങാന് കഴിഞ്ഞില്ല, എന്റെ സഹ ഇന്ത്യന് താരങ്ങള് നിലത്തുകൂടി വലിച്ചിഴക്കപ്പെടുന്നതിന്റെ ഭീകരമായ ചിത്രങ്ങള് വല്ലാതെ വേട്ടയാടുന്നു. എല്ലാ കായിക സംഘടനകളിലും സ്വതന്ത്രമായ സുരക്ഷാ സംവിധാനങ്ങള് ഏര്പ്പെടുത്തേണ്ട സമയം അതിക്രമിച്ചിരിക്കുന്നു. സമാന സാഹചര്യങ്ങള് ഉണ്ടാകുകയാണെങ്കില്, അത് അങ്ങേയറ്റം സംവേദനക്ഷമതയോടെയും മാന്യമായും കൈകാര്യം ചെയ്യപ്പെടുന്നുവെന്ന് നാം ഉറപ്പാക്കണം. ഓരോ കായികതാരവും സുരക്ഷിതമായ പ്രചോദനാത്മകമായ അന്തരീക്ഷം അര്ഹിക്കുന്നു'- അഭിനവ് ബിന്ദ്ര പറഞ്ഞു.
