എരുമേലി: ചേനപ്പാടിയിലെ മുഴക്കം ഭൂചലനത്തിന്റെ ഭാഗമോ?. വ്യക്തതില്ലെന്ന് അധികൃതര് പറയുമ്പോള്, പ്രദേശവാസികള്ക്കിടയില് ആശങ്കയുടെ മുഴക്കം. എരുമേലി പഞ്ചായത്ത് മൂന്നാം വാര്ഡില് ചേനപ്പാടി മേഖലയില് തിങ്കളാഴ്ച ഉച്ചകഴിഞ്ഞു മുതലാണ് ഭൂമിയ്ക്കടിയില് നിന്നു മുഴക്കം കേട്ടത്. ചേനപ്പാടി, പാതിപ്പാറ, വട്ടോത്തറ, ലക്ഷം വീട് കോളനി ഭാഗങ്ങളിലാണ് മുഴക്കം കേട്ടത്. ചില ഭാഗങ്ങളില് നേരിയ ചലനവുമുണ്ടായതായി പറയുന്നു. മുഴക്കം കേട്ടതോടെ, പ്രദേശവാസികളില് ആശങ്കയായി.
വിവരം വാട്സ് വാപ്പ് മുഖേന പ്രചരിച്ചതോടെ ആശങ്ക വര്ധിച്ചു.ലക്ഷം വീട് കോളിനിലുള്ളവര് രാത്രി െവെകും വരെ വീടിനു പുറത്താണ് സമയം ചെലവഴിച്ചത്. രാത്രിയില് എട്ടിനും ഒമ്പതിനും ചെറിയ തോതില് മുഴക്കം അനുഭവപ്പെട്ടതോടെ ആശങ്ക പിന്നെയും വര്ധിച്ചിച്ചു. പുലര്ച്ചെയായപ്പോള് വീടുകളിലേക്ക് ഇവര് മടങ്ങി.
ഭൂചലനം ഉണ്ടാകുമെന്ന ഭീതിയില് രാത്രിയില് വീടുകളിലെ വെളിച്ചം അണയ്ക്കാതെയാണ് പലരും ഉറങ്ങാന് കിടന്നത്. ഇന്നലെ രാവിലെ എട്ടരയോടെ വീണ്ടും മുഴക്കം അനുഭപ്പെട്ടതായി പ്രദേശവാസികള് പറയുന്നു.
ചേനപ്പാടിയ്ക്കു സമീപമുള്ള തന്റെ വീട്ടില് ശക്തമായ പ്രകമ്പനമുണ്ടായതായി പ്രദേശവാസിയായ അരുണ് ദാസ് പറയുന്നു. തുടര്ച്ചയായ മുഴക്കങ്ങള് പലയെരയും ഭയപ്പെടുത്തി. ഇടിമുഴക്കം പോലെ, എന്നാല്, അല്പ്പസമയം നീണ്ടു നില്ക്കുന്ന മുഴക്കമായിരുന്നു പലപ്പോഴും അനുഭവപ്പെട്ടത്.
2001ല് ജില്ലയില് ഭൂചലനമുണ്ടായപ്പോള്, ഇവിടെയും ചലനുമുണ്ടായിരുന്നു. എന്നാല്, പിന്നീട് ഇത്തരം സംഭവങ്ങളൊന്നുമുണ്ടായിട്ടില്ലെന്നു പ്രദേശവാസികള് പറയുന്നു. പാറക്കെട്ടുകള് ഉള്പ്പെടെയുള്ള മേഖലയില് ഭൂമിയ്ക്കടിയിലുണ്ടായ നേരിയ ചലനമാകാം മുഴക്കത്തിനു കാരണമെന്നാണ് വിദഗ്ധ നിഗമനം. എന്നാല്, യഥാര്ഥ കാരണം കണ്ടെത്താന് കഴിയാത്ത സാഹചര്യത്തില് പ്രദേശവാസികള്ക്കിടയില് ആശങ്ക നിലനില്ക്കുകയാണ്.
മുഴക്കത്തില് ആശങ്കപ്പെടേണ്ടതില്ലെന്ന്
മുഴക്കത്തില് ആശങ്കപ്പെടെണ്ടേതില്ലെന്ന് സ്ഥലം സന്ദര്ശിച്ചു പരിശോധന നടത്തിയ ജിയോളജി വിഭാഗം. ഭൂമിയ്ക്കടിയിലുണ്ടായ നേരിയ ചലനത്തെത്തുടര്ന്നുണ്ടായ പ്രകമ്പനമാകാം മുഴക്കത്തിനു കാരണം. എന്നാല്, സ്ഥിരീകരിക്കാനുതകുന്ന ലക്ഷണങ്ങളൊന്നും പ്രദേശത്ത് ഇല്ല. ഭൂമിയ്ക്കു വിള്ളലോ, ചലനമോ ഉണ്ടായിട്ടില്ല. മുഴക്കം കേട്ടുവെന്നാണു പറയുന്നത്. ഭൂചലനം ഉള്പ്പെടെയുള്ളവയ്ക്കുള്ള സാധ്യത കുറവാണെന്നു സ്ഥലത്തു പരിശോധന നടത്തിയ ജില്ലാ ജിയോളജിസ്റ്റ് മഞ്ജു പറഞ്ഞു.
ഏറ്റവും അടുത്തുള്ള, ഇടുക്കിയിലെ ഭൂകമ്പമാപിനിയില് ചലനം റിപ്പോര്ട്ട് ചെയ്യപ്പെട്ടിട്ടില്ല. പാറയ്ക്കു മുകളില് മണ്ണു കുറവുള്ള ഭാഗത്താണ് കൂടുതല് മുഴക്കം കേട്ടതായി പ്രദേശവാസികള് പറയുന്നത്. 2001ല് ഭൂകമ്പമുണ്ടായ സ്ഥലമായതിനാലും പ്രദേശവാസികളില് ആശങ്ക നിലനില്ക്കുന്നതിനാലും കൂടുതല് പഠനം ആവശ്യപ്പെട്ട് ഇന്നു കലക്ടര്ക്കു റിപ്പോര്ട്ട് നല്കുമെന്നു ജില്ലാ ജിയോളജിസ്റ്റ് പറഞ്ഞു. സെന്റര് ഫോര് എര്ത്ത് സയന്സസിലെ വിദഗ്ധരുടെ പഠനമാണ് ആവശ്യപ്പെടുക.
