ജീവിതത്തിലെ ഏറ്റവും രസകരമായ മുഹൂര്ത്തങ്ങളില് ഒന്നാണ് പ്രണായാഭ്യര്ത്ഥന. പണ്ടത്തേതില് നിന്ന് വ്യത്യസ്തമായി ഒരുപാട് പുതുമകള് കൊണ്ടുവന്നുകൊണ്ടാണ് പലരും തങ്ങളുടെ ഇഷ്ടം തുറന്നുപറയാന് ഒരുങ്ങുന്നത്. മിക്കവാറും ആളുകള് ഈ രംഗങ്ങള് പകര്ത്തി സോഷ്യല് മീഡിയയിലും മറ്റും പങ്കിടുന്നതും ഒരു ട്രെന്ഡാണ്. ഇത്തരത്തില് നിരവധി വീഡിയോകളാണ് പലപ്പോഴും സമൂഹ മാധ്യമങ്ങളെയും കാണികളെയും കയ്യില് എടുക്കുന്നത്. ഇപ്പോഴിതാ കഴിഞ്ഞ ദിവസം വൈറലായ ഒരു പ്രണയാഭ്യര്ത്ഥന വീഡിയോയാണ് ഏറെ ശ്രദ്ധ നേടുന്നത്. അയര്ലന്ഡിലെ ഡുബ്ലിന് എയര്പോര്ട്ടില് ആണ് ഈ പ്രണയാഭ്യര്ത്ഥന നടന്നിരിക്കുന്നത്.
വീഡിയോയുടെ തുടക്കത്തില് ഒരു യുവാവ് എയര്ഹോസ്റ്റസ് ആയ യുവതിയോട് തന്റെ പ്രണയം തുറന്നു പറയാന് ഒരുങ്ങുന്നത് ആണ് കാണുന്നത്. എയര്ഹോസ്റ്റസ് ആയതിനാല് ആ വസ്ത്രത്തില് യുവതി ഇവര് നടന്നുവരുമ്പോഴാണ് യുവാവ് പ്രണയാഭ്യര്ത്ഥന നടത്തുന്നത്. അയര്ലന്ഡിലെ ഡുബ്ലിന് എയര്പോര്ട്ടിലാണ് സംഭവം നടക്കുന്നത്. യുവതി ജോലി കഴിഞ്ഞ് വരികയാണ് എന്നാണ് വീഡിയോ കാണുമ്പോള് മനസിലാക്കാനാകുന്നത്. പെട്ടെന്ന് ഇവര്ക്ക് മുമ്പിലേക്ക് ഒരു പൂച്ചെണ്ടുമായി കടന്നുവരികയാണ് യുവാവ്. ഇതോടെ തന്നെ സന്തോഷത്താല് യുവതിയുടെ മുഖത്ത് ചിരി വിരിയുന്നുണ്ട്. ഇതിന് പിന്നാലെ യുവാവ് തന്റെ കൈവശമിരുന്ന ബാഗ് തുറന്ന് ഇതില് നിന്നൊരു മോതിരം പുറത്തെടുക്കുന്നു. ശേഷം മുട്ട് കുത്തിയിരുന്ന് തന്റെ പ്രണയം പ്രിയപ്പെട്ടവളെ അറിയിക്കുകയാണ്.
ഈ രംഗം കൂടി കണ്ടതോടെ സന്തോഷം കൊണ്ട് ഒന്നും പറയാന് കഴിയാത്ത അവസ്ഥയിലേക്ക് എത്തുകയാണ് യുവതി. സന്താഷം കൊണ്ട് യുവതിയുടെ കണ്ണുകള് നിറയുന്നതും ഇവരിത് തുടയ്ക്കുന്നതുമെല്ലാം വീഡിയോയില് കാണാം. തനിക്ക് ഈ ബന്ധത്തിന് സമ്മതമാണെന്നും ഇവര് ഉറക്കെ പറയുന്നുണ്ട്. തുടര്ന്ന് ഇരുവരും ആലിംഗനം ചെയ്യുകയും ചുംബിക്കുകയും ചെയ്യുകയാണ്. നിരവധി പേരാണ് ഈ വീഡിയോ രണ്ട് ദിവസങ്ങള്ക്കുള്ളില് കണ്ടിരിക്കുന്നത്. ഒരുപാട് ആളുകള് വീഡിയോയ്ക്ക് കമന്റുകളുമായി രംഗത്തെത്തുകയും ചെയ്തു.
